بنات صايره اكره الطلعات بسبب بعض الامهات
اللي اشك عقولهم ماتعدت ١٠ سنين
المشكله تجي عجوز عمرها ٦٠
وتسوي هالحركات
قبل يومين طلعنا مع صديقة امي
انا وخواتي وقريباتي وكلن جايب بناته
وحنا رحنا مع امي
انا واختي
اول مادخلت سلمت على صديقة امي
وكانن اول مره بحياتي اشوفها
صديقة امي سلمت علي كانها تعرفني
بس قالت هلا اخبارك ووجهها مافي اي
تعابير
فجاه جت اختي بعدي تسلم وطلعت
عيونها على اختي
على ومرحبا
وش هالزين
وش هالحلاوه
وتروح باعلى صوت لامي تقول
اثر عندك بنت حلوه
وين مخبيتهاًهذي
طب اقلها احترمي مشاعري!!
دامك تعرفين تمدحين
امدحي كل الاختين او صكي فمك عن
كل الاختين ماله داعي تسبب حواجز
بيني وبين اختي !!
بالمدح والعبوديه اللي جالسه تسويها
كلنا عندنا مرايه ىنعرف اشكالنا
وادري ان اختي اجمل مني بمراحل كثيره
لكن وش ذنبي تجلس تسوي هالحركات
انحرجت من اختي وامي وقريباتي
لما سلمت علي ساكته
ولما شافت اختي طلع عرق العبوديه
حق الجمال فيها اكرررررره نوعية
هالعجايز اللي مايميزون
انا مهما شفت خوات غير عن بعض
مستحيل اقول هذي احلى من ذي
او هذي بنتك جميله
ختى امي نفس الطبع مستحيل
تمدح وحده واختها لا
اذا بتمدح مدحتهم كلهم او تسكت
تعرف امي اذت جت للبيت مثلا
تقولنا بيننا
بنت فلانه حلوه جميله احلى خواتها
بيننا تهرج عشان ماتجرح اختها
قدامها اما قدامها مستحيل
تخاف انها تجرحها
لان صدق
انا تنكدت بكل الطلعه الشاليه
على حساب كلام صديقه امي
وتهميشها لي لدرجه حسيت اني اقبح الخلق
يعني وش بينقص دامك مادحه اختي كذبتي
بكلمتين علي جاملتي اقلها
مب تهميش مره وحده!!
والله حتى القهوه انسدت نفسي ولا تقهويت
انا خلقه افرق بيني وبين اختي بالشكل
دايم ببالي انها اجمل مني بكل شي
والناس للاسف يزيدون
ويقولون بالوجه
كانيً انا خالقه نفسي
شاركي في النقاش
سجلي الدخول لإضافة تعليق.
التعليقات
8- عادي لاتهتمي انا مااهتم اذا احد مدح اختي وانا لا بالعكس افتخر بااختي
Ăяฝά ོ .★ عادي لاتهتمي انا مااهتم اذا احد مدح اختي وانا لا بالعكس افتخر بااختي
المصيبه انا حساسه واتنكد
واكره نفسي والطلعه مع اني
اجي كاشخه ونفسيتي حلوه
فجاهً انصدم
اكيد اختي انبسط لها
لكن
انا بعد احس جاملي اقل شي
ماقلت امدحي بس جاملي
لان صرت انحرج من الطلعات هذي دايم المدح والثنا على الحلوات
وعلى اختي وانا اللي مهمشه كاني
جدار حتى اشوف نطرات امي لي
كانها راحمتني اذا الناس جلسو مثلا يمدحون اختي ويطيرونها عشانها حلوه- لا تشرهين عليها عجوز قديمه ايش دراها بالذوق والإحترام ياما ويا ما سمعت كذا بحياتي ولا زلت لكني اتجاهل واطنش لأني واثقه بنفسي وشكلي عاجبني غصبا عنهم فلا تتكدرين عشان ناس بلى ذوق 💋❤
- هههههه ضحكتيني عادي طنشي حاولي تطردي الاحساس اللي حسيتي فيه دام هي اختك وعلاقتك فيها كويسه
عاد بعضهم ما عندها اسلوب
ضحكتيني لما تقولي عندنا مرايه ونشوف
ضحكتيني مره بمجلس كذا قريبتي بهالسن مو كثير اشوفها تقولي لك وحشه واخواتي جالسين وحريم اولادها ووو ناس كثير وكنت مو مره رايقه قلت الله يسلمك هههه
قالت اقولك لك وحشه هههه ماتنشافين قلت الا بس ما حصل نتقابل ولا موجوده
المهم اختي تقولي يعنني مسويه فيها فلانه ونضحك سوا عادي لا زعلنا ولا حقد ضحك
انا مقتنعه مو كل من مدح صادق مو عدم ثقه بالنفس بس ممكن اخلاقه حلوه او ابغى ابسطه او فيه ناس مو كويسين وابغى اعبر عن محبتي له او او ثقي بنفسك وطنشي - حسبي الله ونعم الوكيل
كسرة القلب شينه
ماعليكي منها انتي احلى بروحك واحساسك الطيب الجمال ماهو بس شكل
والله يان بنات الله وهبهم جمال كنهن صور ماهو اوادم لكن مشاعرهم ميته وماهم مريحين
وفيه بنات عاديات لكن سماحة اطباعهم ومشاعرهم تجذب الناس لهن ، مريحين ماينمل منهن
ماعليكي منها حرمه كبيره وماعرفت تعبر
الله يسامحها
مواضيع مشابهة
تابعي تجارب أخرى من هذا القسم.