🌹🌹التجمع ٢١٩ للمقبلات على الحقن المجهري🌹🌹

سمسمه ماجربتي برنامج لبيه تاخذين استشاري ممكن يعطيك حل لمشكلة القلق

لان فعلا القلق يلخبط الهرمونات و يخلي الرحم مايتقبل الجنين

انا مره جربت جلسه مع اخصائية ما اقول استفدت من كلامها لان كلامها انا عارفته و دايم اقوله لغيري

بس الصدق بعدها حسيت احساس مره حلوو و ارتحت جداا و حتى الاكتئاب اللي مريت فيه راح الحمدلله اساسا ماكنت اقدر اعبر لها لان كل ماتكلمت بكيت بس صدق حسيت ان فضفضت عن نفسي و عن الضغوط اللي عندي و ماكنت قادره اقولها لاحد

السلام عليكم و رحمة الله و بركاته …
كيفكم جميعا ؟
غبت كثير عن المنتدى بسبب نفسيتي …
تعبت من فشل الحقن المجهري من ٢٠١٩ إلى الآن تسع ترجيعات كلها تفشل و لمن اراجع دكتور او دكتورة و اطلب فحوصات قبل الاعادة يقول كل شيء سليم منظار خلاص سويتيه مرتين و الصبغة مالها داعي في الحقن هذا الكلام الأخير لدكتور أيمن عريف …
المشكلة دايما الأجنة اللي ارجعها درجة أولى بس يقول و لو مو شرط تكون سليمة جينيا ما نحكم ان الجنين سليم الا اذا صار الحمل و صارت الولادة و كان سليم ….
الآن عندي مجمد بس قال لي ارتاحي ٣ دورات لأني طالعة الحين من فشل بس ودي اسوي شيء قبل الترجيع هو قال سوي تحفيز وبس ما انصحك بشيء ثاني …
بس التحفيز قد سويته كذا مرة برضه ما يصير حمل …
بأيش تنصحوني و هل فعلا ممكن تفشل ٩ مرات بس بسبب انه ما فيه جنين سليم تماما ..
الله يعوض صبرنا و يرزقنا جميعا لا حول لنا و لا قوة إلا به

وعليكم السلام ورحمة الله وبركاته
امر الله كله خير ممكن الله يريد لك الافضل
ممكن التوقيت ما كان مناسب
او الاجنة نفسها فيها مشكلة او مرض معين والله كاتب لك الطفل السليم المعافى
اهم شي نفسيتك ولا تيأسي أبدًا
ولا تتركين باب الدعاء لان ربي مأخر لنا يبي منا نتقرب منه أكثر وندعوه أكثر وأكثر
اهم شي اهتمي بالغذاء الصحي واذا عندك زيادة بالوزن حاولي تنزلينها قبل الترجيع
سوي تحاليل شامله للفيتامينات واهم شي ب ١٢ و د و هرمون الغدة الدرقية والاجسام المضادة وهرمون الحليب
استمري على مكملات غذائية منها رويال جيلي وأي مكمل غذائي ثاني يكتبه لك الدكتور
وزوجك كذلك بالاضافة اذا كان مدخن يحاول يقطعه فترة قبل العلاج
ويسوي تحليل التكسر
الله يرزقك يارب بالذرية الصالحة السليمة المعافاة يارب 💖💖

الله يعوضك خير ويصبرك
خذيتي كرتزون واسبرين ومسيل؟
فيه شي يسوونه بالليزر للأجنة قبل الإرجاع اللي يتكرر عندها فشل الإنغراس
فيه محلول بالوريد للمناعة قبل الإرجاع
وتحليل تكسر الحمض النووي للسائل المنوي

آمين و يرزقك يا رب باللي تتمنيه و يسعدك..