ليا حق افكر بالطلاق ولا لا

السلام عليكم
زوجي طبيب له كم سنهمتوظف قلت دحينا يتوظف يعوضني انا واطفالي و يشوفلنا احسن شي اول كنا ممشيين حالنا فكل شي. اتوظف واحنا جالسين على نفس الوضع و لما اطلب شي يقول فلوسي مو لدي الاشياء بس يعرف يجيب لنفسه يعني ربي وسع عليك عشان ايش ؟ المهم مو بس هتا المشكله المشكله انو يا فالدوام يا فغرفته و ما يبغى احد يدخل و يقفل يا نايم والويكند يبسط نفسه و ماله فينا ما كأنه مسؤول عننا لا و اذا خرجنا طول الخرجه اللي يخرجكم بعد كدا و يطلع اي مصيبه و يجلس يتمنن و يكرهنا فالخرجه و لسانه مره سليط صايره مرره اكرهه قبل كم يوم انفجرت راح قال لي انا اصلا من فتره مو طايقك جالسه اقول شكله من شغله اللي كلو اختلاط. الناس حاسديني زوجي طبيب وانا ماني مستفيده منه فشي من جد احس ما كأني متزوجه حتى اولاده ما يجلس معاهم بالله دي حياه ؟ . جالسه جديآ افكر فالطلاق احس نفسيتي مره تعبانه منه.