اطنش واكبر عقلي لكن تصرفاتهم جدا غريبه

السلام عليكم ورحمة الله وبركاته

بنتي في صف اولى متوسط رحت اوصلها مدرستها
وجيت بدخل بشوف المبنى الساحة الفصول قبل الطوابير

وكانت المناوبه عند الباب دخلت بنتي وجيت بدخل قالت بصوت كأنها تتامر على طالبه مش ام
هيه وين وين وين قلت رايحه اخذ لفه ع المدرسه بنتي اول يوم متوسط وهذا المبنى جديد عليها قلت اشوف الساحه وفصل بنتي
قالت لا ممنوع وبعدين فصل وساحة زي كل المدارس والمناوبه الثانية جنبها تضحك قطع يقطعهن قليلات الادب ولا اسلوب مراهقات رفعن ضغطي الظاهر تأثرن من تدريس المراهقات وصارت عقولهن متشابهه مافيه احترام للي قدامك ياقليلة الادب
تخيلو وتقولي فيه معلمات جوى وطالبات مايبون احد غريب يدخل عليهم !!!!سلامات قمت اطالع نفسي لا اكون رجال وانا مدري عذر اقبح من ذنب
الغبي في الموضوع واللي يقهر واللي راح يقهرهم اكثر واكثر هههههههههه
انه بنتي تقولي دخل بعدك امهات وعادي ولا احد قالهم شي شكل هذي ياماما فاضيه وقامت تطقطق عليك
استغرب والله العظيم اسلوب بعض المعلمات والمديرات الا من رحم ربي والله اني اسلم على مديرة بنتي شفتها بالصدفه وليتني مريت ولا عبرتها بس بنتي قالت هذي المديره ياماما عشان كذا قلت خلني اسلم بنا انها سمعت بنتي وهي تقول هذي المديره المهم وتسلم من اطراف اصابعها وبتكبر وتعالي جدا ليش كل هذا وعشان وشو؟؟؟؟
اليوم بنتي الثانيه صف اولى ابتدائي وفيه امهات كثيرات والمشرفه الاجتماعية طلبت منا نجتمع كلنا في غرفه بتلقي كلمة والله العظيم انه بعيني شفت بعييييني ام من الامهات طلبت مداخله
و المشرفه كانت تعارضها في كلامها والمشرفه ترد بس قالت ام الطالبه انا مديرة مدرسه في المدرسه اللي جنبكم واعرف القوانين زين المشرفه تغير اسلوبها١٨٠ درجة وقامت ترفع فيها وتحترمها مع انه قبل شوي كل ماجت تقول جمله عارضتها
استغرب استحقار بعض نركز على بعض لان التعميم لغة الجاهل بعض المعلمات تحقر الام وتعتبرها كأنها وحده ماعندها ماعند جدتي بعرف السبب ؟؟ استصغار واستحقار الام الطالبه وش سببه أعوذ بالله اقل ماكلين حلال ابوهم

15 تعليق 1,679 مشاهدة

شاركي في النقاش

سجلي الدخول لإضافة تعليق.

التعليقات

14
  1. صدق يقهرون.لاتخلي هالموقف يأثر عليك وتحسي نفسك ضعيفه.بالعكس انتي افهم واعقل منهم وسكوتك وعدم ردك كان نضج منك.ولا هم اطرف كلمه ممكن تقولينها تلاقيهم يرجفون من الخوف عديمات اححححساس والله.
  2. @aasl_at

    مع الاسف
    البعض يخاف ويهاب
    من سليط اللسان
    واللي جوابه حاضر يقصف
    اللي يجيهم بصوت العالي
    والمؤدب المحترم
    يظنوه اهبل خواف
    عديم الشخصيه

    شفتي يوم قلتي
    الام قالت ترى انا مديره
    مدرسه واعرف القوانين
    تغيرت معاملتهم معها


    صار معي موقف مشابه
    لاكن مو بمدرسه
    يوم قلت ترى انا كذا
    واعرف وافهم
    تغيرت معاملتهم معي
    ١٨٠ درجه
    الناس لها الظاهر
    المفروض الانسان
    الواعي ما يستهين
    بلي قدامه دامه
    يجهله
    والاحترام يكون متبادل

    والله يحفظ لك بنتك
    وتشوفينها بثوب التخرج
    وتفرحي بيها
    اللهم ام
  3. @amproaa_alhyaamp

    والله يالموظفات داخل اطار العمل ينسون اخلاقهم وينسون طبايعنا وينسون سلومنا سواء مدارس والا مستشفيات والا احوال المشكلة منا وفينا سعوديات واذا شفتهم في تويتر يطالبون بالوظايف ادعي لهم بعدين اتذكر تصرفاتهم واتراجع 🤨
    كلامك صح وواقع مخيس للاسف
  4. @alhalmi5

    قد يحتوي هذا التعليق على محتوى غير مناسب. عرض التعليق
    نفس وضعي اليوووم والله الا الان مغبونه منهم .. رحت مع ولدي اولى اخلص اجراءات التسجيل .. وتعالي شفي المعامله الزباله ينافخون ويتكلمون من طرف خشووومهم والله والي تتخزر وماسحين فينا الارض احنا ملطعوين بالاسياب بالحررر وهم جالسين يتقههون تحت المكيفات واذا جيتي تسالين وتستفسرين او تخلصين اجراء قامت تناففخ. الي غابني انو ترا مو فضل منهم يشتغلون انتي موظفه وينزلك راتب ليش عشان تخلصين شغلش بذمه وضمير ولا عشان تتعاملين باسلوب زباله انا والله ودي اشتكيهههم لطعونا الين ساعه ٩ننتظر بعدها قالو تعالو بكره يحسبونا فاضين ماورانا شي عشانا امهات حتى حنا ورانا اشغال م اقول الا حسبي الله عليهم. طبعا بس الفئه هاذي ... في معلمات ينحطون ع الجرح يبرا وتسوي شغلها بذمه وضمير وتتكلم زي الناس مو الناس التاففهه ذي الي مفروض يشيلونهم ويفكونا .
  5. @rghdh_3

    صاحبة الموضوع
    toth

    قد يحتوي الاقتباس على محتوى غير مناسب.

    الانتقال إلى المشاركة
    والله مانقول الا حسبي الله ونعم الوكيل انا بكرا بروح مدرسة بنتي وراح ادور فيها حتى دورات المياه بطل فيها عناد فيها ..

تابعي تجارب أخرى من هذا القسم.