ذي الشغله راح تجنني

قبل لا اطرح مشكلتي...لازم اوضح شغله.... اني جدا اجتماعيه والله انعم عليه باسلوب جميل بالكلام و الكبار والصغار يحبوني لا تعتبرونه مديح بس هذا جزء من مشكلتي ...بالجامعه والمدرسه اول ما اجي الكل يجي يسلم عليه ويسولف واي وحده عندهه مشكله حتى لو مع زوجهه رغم اني عزباء تاخذ نصيحتي وحتى اقاربي خالي متزوج ودائما يتصل في ياخذ رأيي بمشاكل العمل ونصائح اذا تزاعل وي زوجتهه و يحب السوالف معي لدرجه امي كلما رن المبايل تقول اخذي خالك اكيد يبيج بشغله وحتى خالاتي نفس الشي ...المشكله ان امي ابد ما تستمتع بالحديث معي ودائما بنص السالفه تقول خلصي بساع و اختصري ...ومرات تتركني وتروح لغير مكان واني اسولف ولاحظت انها تستمتع بالحديث مع اختي الصغيره (اصغر مني بسنه ونص)وربي كأنما صديقتهه وامي تسولفلهه عن صديقاتهه ومشاكل عملهه وحتى مشاكل وي ابوي وتاخذ رأيهه وقررت مره اني ما احكي شي ليوم كامل واشوف اذا امي تفتقد سوالفي نهاااائيا محكت شي بس اخر اليوم قالت شفيج زعلانه قلت لا وابد محكت شي وكانت تسولف مع اختي ومنطلقه وسوالفهم بالساعات ...قسم بالله ماني اغار من اختي اني من نوع احب اشوف عيوبي واصححهه ضليت اراقب اسلوب اختي مافي اي اختلاف للعلم شخصيه تختلف عن شخصيتي اني اذا تنعرض الي مشكله احاول القي حل بحيث ما يتضرر احد هي مبدأهه لازم تكونين قويه ومحد يستغلج وكثير ما اشوفهه تحرض امي على ابوي اذا صارت مشكله لكن اني اصبرهه واقوللهه الله يهديه تلقين عنده ظروف احتسبي الاجر عند الله..... ....دأراجع بتصرفاتي وسوالفي و صرت اخاف لا اسلوبي مانه حلو وحتى اخاف اذا تزوجت زوجي ما يحب اسلوبي بالكلام صارلي يومين ما مكلمه احد ومحد افتقدني او قال فيك شي وربي تعبت ليه الناس الغرباء والاقارب والاصدقاء يحبون سوالفي وياخذون نصائحي وامي تعاملني كأني طفله اذا ابديت رأيي بشي متاخذه واذا تكلمت احسهه تحسب الثواني حتى اسكت...للعلم امي تحبني جدا وما في اي مشاكل بيناتنه لكن وقت السوالف هيك يصير والله من اشوف سوالفهه مع اختي تاخذني الحسره ..وفي تصرف ثاني صدمني صار نقاش واختي ضلت تقلل من قيمتي قدام ابوي وامي بصوره مزاح بس بيه اسااائه واضحه.. ابوي يضحك لان في باله مزاح واني بس رديت عليهه امي تقولي اسكتي اسكتي ومن استمر تجي تمسك ايدي وتقول اسكتي وهي كل مره تجاوز عليه ما ادافع عني ابدددد ...امي دائما تقول لي انتي طيبه وتذكريني بنفسي وتمدح كوني سخيه وانفذ كل شي اطلبه لكن اختي حرفيا وقحه بكلامهه وعدهه انانيه بحيث مره قالت كلمه (والله ما في حدا يستاهل اتعب عشانه حتى انتي قصدهه امي )بس امي ابد ما تحب تحكي عنهه لكن مرات انزل من الدرج القى اختي تحكي علي وامي ساكته او تأيدهه 😔رغم اني و رب الكعبه بريئه من كلامهه...جدا اعتذر على الاطالة بس من حرقه قلبي واتمنى تفيدوني بنصائحكم لو كنتوا مثلي ايش تعملوا