🌹🌹التجمع ٢٢٠ للمقبلات على الحقن المجهري🌹🌹

بنات حابه انقل لكم تجربتي بعد ثاني فشل لي من ترجيع اجنه مجمده دخلت حاله اكتئاب قويه محد يعلم فيها غير ربي وضغط من كل صوب ومحد حاس فيني انهرت جداً حتى زواجي تهدد بل انفصال وكرهت كل شي لاكن ربي سخر لي امري وتيسرت اموري ورحت تايلند وبديت بدايه جديده ورحله علاج جديده سويت فحوصات شامله والصدمه ان دكتوري في دولتي شخصني ب التكيس وطلع ماعندي هرمون الحليب طبيعي الغده طبيعي المبايض نظاف والمخزون طبيعي الف الحمد طيب شنو مشكله الفشل يا دكتوره قررت اسوي اشعه الصبغه ماكذب عليكم يوم سويتها كنت بروحي وابكي من الخوف واني تعبت من هل حال بعد الاشعه قناة فالوب حمدالله مب مسدودين طلع عندي لحميه وهي الي منعت الحمل الطبيعي وحتى الانابيب ! متخيلين وسويت لها ازاله بالمنظار والدكتوره قالت شهر مافي جماع وعطتني منشطات وقالت جربي تحملين طبيعي مدة ٣ شهور كل هاي بسبب ان الدكتور الي كنت اتعالج منه شخصني غلط عطاني ادويه غلط ماحتاجها ولعب في نفسيتي ولا تعب نفسه يعمل لي اشعه الصبغه! وحاليا مر اسبوعين على ازاله لحميه وانطر الدوره تجي بس عشان اجرب احمل طبيعي دعواتكم لي بنات 💜

السلام عليكم بنات

انا اليوم رجعت اجنه مجمده بعد فشل حقن مجهري قبل سنتين

اعطاني الدكتور تحاميل مثبته ٣ مرات باليوم و اتوقع هرمون حبوب ثلاث مرات باليوم مع الفوليك اسيد

قبل شوي بالانبوب حق التحاميل لاحظت لون بني خفيف 😩💔 طمنوني وش هذا وش اسوي مره خفت
طبيعي والا ضروري اراجع الدكتور ؟
والدكتور طارق قال لي احلل حمل بعد اسبوع بالضبط
ماتحسون بدري ؟؟

الله يرزقك يارب اذا خفيف ان شاء الله عادي وارسلي لدكتورك كمان عشان تتطمني
بسألك من دكتورك طارق بغدادي؟

ماشاءالله الحمدلله والشكر له عرفتي السبب يالله سبب بسيط وماحد كشفة باذن الله راح تحملي طبيعي
تذكرت جارتي تقول امها جلست ثماني سنوات بدون حمل وطلع بسبب لحمية شالتها وصارت تحمل طبيعي
ان شاء الله الدورة الجاية اخر دورة من غير شر بسبب الحمل

ماشاءالله الله يتمملك على خير
طبيعي الدم اول يوم بعد التحميل
لاتقلقلي ولاتشيلي هم