كيف تتعاملو مع الضيوف الدائمين؟؟!!
اهلا بنات اخباركم والله متدايقه مررررره وحزينه وضغطي مرتفع واحس اني عايزه ابكي بسبب صديقتي هذي وحده معرفتي فيها. من ٥سنوات دايما مشاكل مع زوجها واغلب الوقت قاعده معايه في شقتي مش يومين ولا ٣ لا بالاشهر والاسابيع المهم هي تطلقت من قريب وبقى لها شهر قاعده معايه واكله شاربه نايمه حتى هدومها تتغسل وتنكوي وهي نايمه وزي ماحكيت لكم انا طفلي شقي ومشاغب ومتعبني كتيير اليوم بعد ماخلصت تنظيف وتمسيح وتكنيس هي كانت قاعده في الصاله وابني يجري هينا وهينا ويحب يشوف التلفزيون لقيتها زعلانه وقالت لي لو عندي مكان تاني اقعد فيه ماكنت جلست معاكم ولا دقيقه ابنك فيه ومافيه وعمل كده وكده ي بنات ابني طفل صغير سنتين ويحب لما حد يلعب معاه هو كان يجيب العابه عشان. تلاعبه بس هي مش عايزه تلعب معاه اقسم بالله ي بنات اني اعاملها احسن معامله مش بمدح نفسي وربنا شاهد عليه عمري ماجرحتها ولا بينت لها اني متدايقه من وجودها لدرجه نص هدومي اديتهم لها لان زوجها طردها بالهدمه الي عليها وبشبشب الحمام حتى فلوس اديها اقول يمكن محتاجه حاجه ومكسوفه تقول لي بنات الله يوفقكم محتاجه شوركم ونصيحتكم ايش اسوي معاها هي مش عايزه ابني يجري ويلعب في البيت عايزاني اقفل عليه في غرفه لوحده عشان حضرتها ترتاح حتى امس ابني نام بدري وقالت نوم الظالم عباده!! لو انتو مكاني كيف تتصرفو. دلوني انا لما قالت كده مارديت عليها اخدت ابني ودخلنا غرفتنا وقفلنا الباب وهي قاعده مرزوعه في الصاله تشوف التلفزيون كتمت غيضي وسكت لأنها في بيتي ومشرده ماحد ستر عليها غيري والله العظيم بكيت من كتر القهر ماسكه نفسي بالعافيه الكل يرد ويقول اعمل ايه عشان انا هاسوي الي تقولو لي عليه
