زوجة ابوي وبناتها سبب في تعاستي وكره اخي لي

‎‏اخوي من ابوي اعامله كأنه شقيق يعلم الله اول ما خطب اخت صاحبه حذرته ونصحته ماياخذ عندهم لان تقرب لسلفتي من بعيد
وحقين مصاريف وهياط وعائلة غنية جدا جدا
‎‏مجرد كنت اسأله قبل الزواج تحتاج شي اساعدك للبيت كان قريب مني مرا قبل الزواج
‎‏ اللي يقهر فهم غلط ان اتدخل بحياته عشان سالته وين مسافر
‎‏حضرت ملكته بدون دعوة وحقروني امه وخواته فما حضرت زواجه لانهم مادعوني وبيوم الملكة اهانوني لان حضرت بدون دعوة ،، لكن ارسلت بنتي تحضر
‎‏بعدها اخوي كرهني وقطعني عشان ماحضرت الزواج لكن بعد الزواج زرته قدرته هو وزوجته بألف ريال وهدايا، لكنه قطعني وبلكني

‎‏ المهم بنتي ملكت وماحضر رغم ان دعيته انا وزوجي بدون ما ادعي زوجته الدعوة عامة

‎‏ بعد ملكة بنتي جوني هو وزوجته بالبيت يباركو لي
‎بألف ريال وورد وكيك،، ترد اللي عطيتها يوم زواجهم اول ماتزوجو قدرتهم بالف ريال وجيتهم لبيتهم

‎‏المهم بكل بساطة سالتهم ليش تغيرت علي بعد زواجك وليه مبلكني وقلت لزوجته تغير علي بعد خطوبتك قامت فوقي وقالت ايش فيك ما تقابلي احد الا قلتي هالكلام عني وانا عدم تواصلي معك بسبب كلامك هذا عني عاد هذا اخوك عندك اساليه مو تساليني انا .وقامت هي واخوي ومشى من عندي مدري انا غلطت ان عاتبته ؟💔

زوجته مالها قبول وانا احترمها لكن مو واجب علي اني اعبرها بس تقلب اخوي علي وتخليه يقطعني يعني مكفي امه وخواته مو ناقص !! حتى اخوي الثاني نفس الطريقة زوجته معبية راسه علي الاقيها من فين ولا من فين وانا مالي احد ولا اخوان اشقاء انا وحيدة امي

كثرت كلام من التعب اللي فقلبي المهم نرجع للموضوع
خلصنا من الملكة وجت مناسبة زواج بنتي دعيته ودعيت ام زوجته وجدة زوجته بدون ما ادعيها لان الدعوة شاملة
غير كذا ما اتواصل معها لما اراسلها ع الواتس او التلقرام وتكون متصل تقول لي انها مشغولة وتذاكر من الواتس والتلقرام !ودائما تتحجج بالدراسة ((سبحان الله متصل وتذاكر ع الواتس))
ماكلف ع نفسه يبارك لو برسالة
بعدها امي توفت ماعازاني لو باتصال
الحين مرت سنة بدون اي تواصل منه
كلامي مو مرتب بس والله مالي غيركم يابنات حوا اتمنى الكل يرد