فكرة الطلاق مو راضيه تطلع من راسي!

رح يلقون له عذر صدقيني ورح يقولون لك هو جنتك ونارك.
ما اوجد حريم مضطهدات ومعذبات ومدمرات نفسيًا إلا الي تؤمن بالرجل وبكل شي يسويه وتشرع كل راي له وتدورله مخرج ديني لكل تصرف يسويه وتحاول تهون كل مشكله تمر فيها أي وحده في حياتها مع زوجها وتصور مشكلتها انها هينه وانه معه حق حتى لو كان في وادي والدين في وادي.
الجهل مصيبه.

عمره ٣٩ وماتغير تبين بعد العمر هذا يتغير هو هذي شخصيته وجاي من بيئة كذا يشك ويقيد وتمشي كلمته فيبي يمشي كلمته عليك ابو طبيييع مايجوز عن طبعه تقولين لما تكونين مروقين يخف الشك مروقين كيف ؟ عشانك تنازلتي على اشياء كثير وجيتي على مزاجه؟ انتي جربتي حياتين تفتح عند اهلك وتشدد عنده وش اللي عاجبك اكثر اما من ناحية الاطفال يعني تبين تحملين منه ليه ؟ عشان تحسين بالامومة؟ محد راح يحاسبك على رغبتك لكن حطي ببالك انه لو حملتي من شخص مثله بينفق عليك؟ بيكون هو عياله؟ الحضانه مين راح ياخذها؟ فكري زين وعلى اساسها قرري اذا تبين تكملين معه او لا دامك الحين عند اهلك اكتبي سلبياته وايجابياته واحكمي بنفسك وش الانسب لك واللي يريحك

كلامك صحيح والله. انا نظرتي دايما للزواج كانت انو يا اما يجيك شخص واعي و متوافق معك ويناسبك وتكونون مبسوطين مره لدرجة تبون طفل يزيد سعادتكم سعادة ولا بلاها…. صح ان الوحدة وعدم الزواج شي مش حلو.. لكن الاسوأ منه هو تشتت الابناء والدراما والمشاكل على الحضانه وغيرها.

مروقين يعني تكون الظروف كلها ايجابيه مثلا لمن يكون ماعنده ضغط بالعمل .. نكون لنا فتره منسجمين وطلعنا طلعات حلوه لاماكن حلوه مع بعض وصارت مواقف ايجابيه مثلا وكلها ضحك. ومثلا تكون طلعاتي قليله او كلها مع حريم هو عارفهم.. زي كذا.

بس خل نقول مثلا بديت اطلع يومياً.. او شافني على جوالي كثير.. او مزاجي متعكر…. ممكن تجيه نوبة شك.

انا مو عارفه اذا كل الرجال زي زوجي او لا… لكن دليما اشوف بالاماكن العامة اغلب المتزوجين زوجاتهم منقبات وتحسينها خاضعه مره… حتى زوجات زملاء زوجي اغلبهم ماعندهم حياة اجتماعيه كبيره ولا تسوق ولا تشتغل.

هل كل الازواج كذا؟ ولا في ازواج طبيعين ونفسياتهم حلوه ويتقبلون ان زوجاتهم عندهم حياه مستقله وخصوصيه تامه؟

انا امانةً تقريبا مخي من نفسه مختار الطلاق حالياً. بس ودي اكلمه واتناقش معه لمن اسافر له. بس مو عارفه كيف اقنعه او كيف اكلمه.

هو دي اغلب الرجال مايفهم اذا كثرتي عليه كلام. لكنه بنفس الوقت ميت يبي الزواج ينجح ويحبني.. فممكن يتفهم اذا كلمته. وش تحسون كيف افاتحه بالموضوع؟