فكرة الطلاق مو راضيه تطلع من راسي!

بنات عشان اكون دقيقة بطرح المشكله

ترا زوجي اخذني غير منقبة وماطلب اغير هالشي فاهم انه مايقدر يغير هالشي

سواقتي للسياره .. اول الزواج كان مره مقرف حتى مايخليني اروح لاهلي بسيارتي… بعدين صار يسمحلي اروح واجي قبل ١٠ بالليل… بعدين صار مايسأل حتى لو رجعت ١٢ او ١ الفجر..

بس بشكل عام تطوره بطيء واحيانا كثيره تصرف بسيط او غلطه بسيطه من عندي تخليني ارجع لنقطه الصفر معاه.

هو مريض نفسي على فكره وعنده عدم ثقه بالنفس واحيانا تجيه تأتأه وقلق يخليه يرجف .. ويصير مره مسكين وكل شي اوكي و طيب… واحيانا تمسك معاه نوبات شك ويجير عصبي ويغلط بالكلام.



محتااااااااره مره شسوي …. الي مريحني نفسيا هو الطلاق … بينما الاستمرار متعب وصعب. هل الصح الواحد يختار الاسهل وخلاص؟

قبل لاتفكري بالطلاق فكرري بووضعك زييين زيين قبل وبعد وشوفي
وبرأيي استشيري مستشاارة أُسرية متخصصة معروفة وربي ييسر أمرك ويسعدك ويوفقك

لكن بالنسبة لأنك تجيبي طفل بعدين تطلقي ؟؟؟ هذي أنانية
طفلك المفروض تختاري له أفضل أفضل بيئة قد ماتقدري وأب وام منفصلين وغير متفقين ما اظنها افضل بيئة
وحتى زوجك انحرم من بنته وينحرم من الطفل الثاني كمان وقلتي ماعنده ثقة في نفسه وعنده مشكلة نفسية هذا الشئ كفيل بأن يدمره

كمستشارة أنصحك بنورة الصفيري
وممكن تستفتي شيخ أتوقع الخلع في مثل موضوعك اذا كنتي عازمة على الطلاق
لكن برأيي استخيري وأعطي علاقتكم فرصه بما انك متردده بالطلاق وهو متمسك فيك ممكن مع اشوية تعزيز له ورفع لمعنوياته وعدم تنازل عن حقوقك يبطل شك ممكن يشك لأنه يخاف يفقدك وماعنده ثقة بنف

هو يشك لانه يحاف يفقدني ويحبني مره. بس هذا مرض نفسي. هل يمنعني من الحياه عشان يرتاح حل؟ هل عادي اعيش طول عمري امشي على قشر بيض عشان مايحس بالتهديد؟

امانة هو مو كذا كل الايام… بعض الايام يصير زين خصوصا لو شافني مكتئبة يقولي ليش ماتطلعين وكذا… لكن اذا جته الحاله يصير مجنون.


بكلم نوره الصفيري. جزاك الله خير انا احتاج مستشارة ذكية و حكيمة. لان كلمت وحده من لبيه قبل فتره وحسيتها تعزز لي وفي صفي بزيادة وعلى طول شجعتني بالطلاق بدون لاتسمع الباقي

ايوه لو حصل عالسيناريو (الانفصال مع طفل) بتندمر نفسيته تماما خصوصا انه يحب الاطفال وتوه شاري بيت ملك كبير وماديته تعبت كله في سبيل حلم العائلة الي مو راضي يزبط معه.