بنتي الخديج

السلام عليكم

بنات انا تو سجلت حابه استفسر

انا ولدت بالشهر السابع وجبت بنت من الاطفال الخدج

كانت صغيره مره جلست في الحضانه ٤١ يوم

والحمدلله مضت كل هالشهور وحالياً عمرها ١٠ شهور لكن

هالفتره هذي لاحظت تقتلب على بطنها تحاول تحبي بس

ماهي عارفه تجي تقتلب وتنتهد وماتطلع يد وحده بس اليسار

تطلعها لكن اليمين ماتعرف تطلعها للحين والله العظيم

تحسرت كل ماجيت بشتغل بالبيت ماقدرت اتركها كل دقيقه

تقتلب واذا قلبت ماتعرف تحبي وتبيني انا ارجعها ونفس

الحكايه مادري وش فيها انا ارجعها اخاف تنكتم .. بنات تكفن اللي عندها طفل وصار طفلها نفس بنتي هل طبيعي او لا

وغير كذا اللي عندها طفل خديج هل طبيعي يتأخر بالجلوس والحبي والمشي والتسنين ؟

انا بنتي لا طلع لها سن ولا حبت ولا جلست ولا مشت

الحمدلله على كل حال

16 تعليق 2,030 مشاهدة

شاركي في النقاش

سجلي الدخول لإضافة تعليق.

التعليقات

16
  1. جبت اكثر من طفل خدج
    البكر ماشاءالله ماتاخر عادي شهر شهرين وطبيعي كل شي الحمدلله

    طفل ابن 8 جبته تعببب وتاخر كثير بزحف وجلوس والمشي سنه ونص مشا تخيلي ولاكن الحمدلله بعدها كل شي تمام صار مرات لو طاح يتعب اكثر من اخوانه احس ولا بكاء

    ولا اموره تمام 👍 بفضل الله

    الله يحفظه لك
  2. @umjojo11

    صاحبة الموضوع
    صبر أنثى 💕
    جبت اكثر من طفل خدج البكر ماشاءالله ماتاخر عادي شهر شهرين وطبيعي كل شي الحمدلله طفل ابن 8 جبته تعببب وتاخر كثير بزحف وجلوس والمشي سنه ونص مشا تخيلي ولاكن الحمدلله بعدها كل شي تمام صار مرات لو طاح يتعب اكثر من اخوانه احس ولا بكاء ولا امور…
    ماشاء الله الله يخليهم لك يارب .. والله انا اتعب نفسياً من كلام الناس كل ما احد شافني قال ليه ماحبت للحين وليه ماتجلس شكلك مهملته ولا تدربينه مايدرون اني جالسه عنده كل شوي ومهمله نفسي
  3. ام جمانه
    ماشاء الله الله يخليهم لك يارب .. والله انا اتعب نفسياً من كلام الناس كل ما احد شافني قال ليه ماحبت للحين وليه ماتجلس شكلك مهملته ولا تدربينه مايدرون اني جالسه عنده كل شوي ومهمله نفسي
    لاتتعبي طنشيهم هذي قدراته وجسمه انتي مالك دخل اذا احد اعطاك تعليقات قولي عادي اهم شي صحته بخير لاحق يتحرك وسكري موضوع بثقه بينسون
  4. @um_layan_3

    طبيعي اذا بنتك ماتعاني من اي شي فا ان شاء الله انها طبيعيه انا بنتي نفس بنتك كانت تنقلب واليد الثانيه ماتعرف تحركها عشان ترجع تنقلب على ظهرها، جيتها بالثامن وتأخرت بكل شي بدت تجلس بعمر ١١ شهور واول ماكملت سنه بدت تحبي وسنه و٣ شهور بدت تمشي، لا تخافي عليها والله يحفظها لك
  5. @um_layan_3

    ومعليك من كلام الناس الاطفال يختلفون انا اعرف وحده بنتها طلعت لها اسنان بعمر ٤ شهور وحبت بعمر ٦ شهور مع المحاوله على المشي. انا الناس كانوا يقولون لي كلام كثير ويستغربون كيف بنتي متأخره بكل شي بس عادي انتي خليك واثقه ببنتك وهي متى ماصارت جاهزه بتتحرك بتتعلم بنفسها

تابعي تجارب أخرى من هذا القسم.