الحمل بعد الخمسين!
كيف حالكم ، بقول لكم سالفة مرت علي ، مرة كنت طالعه وشفت حرمة كبيرة معها ولد صغير ابو سنتين تقريبا ، الول ابيض اشهب ومملوح وهادي ، الله يحفظه ويصلحه ويخليه لوالديه ، المهم كانوا الحريم يسولفون وكل وحدة تحكي سالفتها ، من ضمن اللي يسولفون كان فيه حرمة كبيرة حاطة حنا بيدينها ومعها ذالولد الصغير ، انا رحمتها واقول بنفسي ياربي يعظم اجرها شكله ولد ولدها او ولد بنتها وهي مبتلشه فيه ، وكل وحدة تحكي سالفتها الا جت ذالحرمة تحكي سالفتها ، تخيلوا تقول انها كانت جابت بنت وولد وبعدهم ما الله رزقها بحمل ، وتحاول بالحمل وودها لكن ماربي كتب ، كبروا بنتها وولدها وتزوجوا الله يوفقهم ، تقول انه وصل عمرها فوق الخمسين وانه بالبداية غابت عنها الدورة كم شهر ثم جتها ، المهم هي ماشاءالله مليانه (دبدوبة شوي ) تقول واني عقب فترة تعبت واقول بنفسي ياربيه هذي اعراض انقطاع الدورة ، تقول ويمر الشهر والشهرين واني اقول بنفسي ياربي من ذا الاعراض اثاري انقطاعها يجيب الخمول ، تقول ويكبر بطني وابدا اشرب بالزنجبيل وهالسوالف ، واني مابي اقول لزوجي ان فيني اعراض انقطاع الدورة وثم يقول اني كبرت ، تقول ويمر شهرين وثلاثة واربعه ، تقول بديت اتنشط شوي وقلت الحمد لله بدأت تخف اعراض انقطاع الدورة ، تقول واني افكر وش بلا فيه مثل الحركة ببطني ، واني خفت وبديت اوسوس لا يكون فيه بلا بمصاريني ، ولله ما اروح اكشف ان ذا اكيد من اعراض انقطاع الدورة ،، تقول الى ماحسيت ببطني رفس قوي ، تقول واجلس اسمي بالله واتعوذ من ابليس واروح للمستشفى واقول لهم انه انقطعت عني الدورة ولي كم شهر بطني يتحرك واني خايفة وش ذا ، تقول واجلس وتمسك الدكتورة بطني وقالت انسدحي ، تقول وانسدح وهي تسوي لي سونار وتضحك ، تقول لها مو عارفة وش ببطنك ، تقول ويجيني ابو الركب من الروعة ، لاتقولين وش فيه كانه شي يروع يادكتورة ، قالت ببطنك ولد عمرها سته شهور ، تقول ولله اني من الصدمة سكتت وماعرفت ارد وثم اضحك ، تقول قالت ولله انت حامل وشوفي الولد معقولة مااستوعبتي ان ذي حركة جنين ، تقول شلون يادكتورة ياويلي ويلاه ، وترجع لبيتها مرتاعه ، وساكته ، ولا حرف تنطق ، تقول ولله احساس صعب ، تقول وافكر وش بقول للناس ، شلون بعلمهم ، تقول والأبو متنح وش فيك يامره ، تقول واشوفه ولا ارد ، صابني صمت ، تقول ثم قلت له وينبسط ، وانا قفلت على نفسي ولا شفت مخلوق ، اني مدري هو صدق او كذب ، تقول وولدت وجبت هالولد الله يحفظه ، تقول وزوجي بلغ الناس موب انا ،،،،،،
