زوجتي مهملة بيتها

الزوج يطلع من الصبح يكد ويتعب على شان يامن حياة زوجة وعياله وحط قروض على نفسة على شان ماينقصهم شي ويربي الاولاد ابسط حقوقه يجي بعد تعب الدوام والضغطات يجي يالقى بيته نظيف ومبخر هاذا اقل شي تجاز المره زوجة بعد التعب والكرف اما اجي القاء البيت معفن وش الفايده من تعبي وكرفي علشان ماينقص زوجتي شي
واللي بردود يقول ساعدها الحمد لله اساعدها بتلبيس عيالي وحوش البيت انا اللي اشطفه بس ماتوصل المواصيل اجي كل يوم انضف هي وش شغلتها انا ماتزوجة الا ابي الاستقرار اذا جايه من بيت اهلها متعوده على كذا انا مني مجبور اربيها

وبعدين الزوجة بيت زوجها تمثل تربيت اهلها وكل شي كانت متعوده عليه عند اهلها تسويه عندك

هل زوجتك موظفة؟
وهل ناقشتها فالموضوع وعطتك اسبابها اللي تخليها ما تنظف؟
وهل ضيوفك وصخين لدرجة المكان ما يندش عقبهم فهي تاركته لكم؟
عشان تلقى الحل لازم تعرف اسبابها وعموما لو ماعندها سبب غير الكسل ممكن تنقص مصروفها وتجيب لك شغالة تنظف

نصيحه مختصره..
السبب هو كثرت الجلسه عالجوال مـن الأخير اعطيك•
عالج هذي المشكله. وبعدها تأتي نظافة البيت وكل شي تبيه..

واذا ماهو كثرت الجلسه عالجوال شوف من ينصحها ويعلمها كلمها بالحسنى وبوضوح تام علمها ان هذا الوضع ينفرك منها ومن البيت كلم اختها او خالتها انك طفشت من هذا الوضع تنصحها وتشجعها على التغير.
وشجعها انت وامدح اي شي تصلحه ارفع معناويتها وان شاء الله بتشوف التغيير والاهتمام••

اللهم أصلح النساء والرجال للقيام بالحقوق واحترام الحياة الزوجية••

حتى لو وسخوا الضيوف هذا الشي راجع لبيتها كيف 15 يوم المجلس وسخ سلامات لو جاه ضيف ثاني وين يجلسه يقول انتظر تنظف زوجتي ؏ الأقل تنظف المجلس تكون مستعده أي أحد يجي فجئه