السلم عليكم،
مادخلت وقررت اني اكتب هني الا لاني فقدت الامل..
انا بنت عمري ٣٠ سنه تزوجت مره وتطلقت بالملجه خلال شهرين
ومن بعدها ماصارلي نصيب اغلب الناس الي اتيلي يا ام يرفضوني لاني موظفة بنك او ان يبوني اتنازل عن كل شي لاني 'مطلقه' ..
بديت افقد الامل وصلت مرحله ان الناس تقولي يالعانس (٢٠٢٢ بتخلص وليلحين يقولونها) او ان يقولون بس كبرتي محد يبي وحده ثلاثينيه
في ناس اقترحوا عليي اني اتعرف على واحد ويمكن يصير نصيب بس للاسف ماعرف .. يعني مادري من وين ولا شلون كله اخاف ان راح يكون تضييع وقت ولعب وصراحه مالي مقاقه سوالف جذي…
مادري شسوي وايد متضايقه وابيييي اتزوج ويكون عندي ريل وعيال 😞
شسوي…
شاركي في النقاش
سجلي الدخول لإضافة تعليق.
التعليقات
12- النصيب بيجك احتسبي الاجر
- الله يرزقك الزوج الصالح
- الا وصلنا لين 2022 وللحين فيه بنات بيموتون عشان خاطر هالزواج اللي مشاكله اكثر من منافعه
عموما مالج حل الا الخطابة اما تعارف بيقول لج زوجتي وديوني واجمع مهرج وبيخلص عمرج واعذاره ما تخلص - الله يرزقك الزوج الصالح.. لكن مسألة التعارف ماهي حلوه ابداً نصيبك هو بيجي لما عندك مايحتاج تبحثي عليه .
منيـــرة الا وصلنا لين 2022 وللحين فيه بنات بيموتون عشان خاطر هالزواج اللي مشاكله اكثر من منافعه عموما مالج حل الا الخطابة اما تعارف بيقول لج زوجتي وديوني واجمع مهرج وبيخلص عمرج واعذاره ما تخلص
الزواج فطرة ومن حق كل شخص يرغب في الزواج ، اما وصلنا ٢٠٢٢ ومستغربة ! يعني تبين نوصل ٢٠٣٣ وننقرض معد فيه زواج ولا وش؟
مواضيع مشابهة
تابعي تجارب أخرى من هذا القسم.