صحبتي وتغيرها المفاجئ!

السلام عليكم بنات...
كيفكم عساكم بخير يارب❤️❤️
قبل اسبوع بالضبط كنت موجودة بالانستا فقلت خليني اتطمن على صحبتي عبير هي معي من الثانوي وعرفنا بعض من كثر ما الكل يقولون لي تشبهينها وكل م نجلس مع بعض يسألون انتو توأم؟
المهم اتخرجنا وكل وحده لها حياه وهي مشغوله بمشاكلها العائلية طبعاً ما تخلو من نصيحتي لها وتخفيزاتي ورسسسايل كثيرة إيجابية بس ألاحظ انها يا تحط قلب وتمشي يعني بالعربي م ترد فهمتو؟ أو ترسل فيسات كذا 😭😭😭😂😂😂 وبس! طبعا عصبت وانقهرت ليه تسوي كذا بس اتعوذت بالله وحسنت ظني فيها بعدها قلت لها ذاك اليوم قبل أسبوع بعد السلام وكيفك شخبارك الا تعالي وينك ياقلبي مشغوله ولا متغيرة قالت تعرفين المشاكل م ودي اتكلم عنها قلت طيب قلبي عادي بس ليتك تسولفين بدل هالفيسات او شي وكذا اي صح بنات قبل كل هذا السوالف بيننا صارت شبه معدومة الا من مقاطع تضحك هي ترسله مره بالشهر وانا م عدت ارسل لها بقولكم ليه بعدين.
المهم كذا مع السوالف قلت لها طيب أكلتي شي؟ أكيد انك نحفانه وتعباننه روحي كلي.
تخيلو وش قالت؟ ماحب احد يقول لي كذا!
انصدمت هذه وشفيها بسم الله... تأكدت مره ثانية رجعت ارسل قلت حتى انا مقدر؟ قالت يب لأني فعلاً أشمئز من هالكلام! تخيلو قد ايش كسرت خاطري بجملتها هذه بالله في حد يقول كذا لأقرب شخص له؟ انقهرت وبكيت جرحتني الكلمة كسرتني حيل بعدها خليتها تقييد و معاد رسلت لها حسيت اني كثير عليها وانها منقرفه من اهتمامي لها.
وش رايكم بالسالفه هل اللي سويته صح؟

19 تعليق 1,568 مشاهدة

شاركي في النقاش

سجلي الدخول لإضافة تعليق.

التعليقات

19
  1. @ruh_alhayah

    يمكن تمر بظروف صعبة ونفسيتها تعبانه احيانا نكره حتى أنفسنا ..المهم ان خير الأمور أوسطها انتي لاتقطعيها مره ولا تهتمي فيها مره رجعي علاقتك فيها كصديقة عاديه مش مقربة الا اذا هي رجعت تكلمك ورجعت نفس اول ...الناس مزاجيين ومتقلبين والشخص قابل للتغيير انا في صديقة معاي من صف أول واحنا صديقات وكبرنا ولازلنا صديقات الا قبل فترة تغيرت تغيير جذرررري ،للأمانه هي الي كانت تهتم فيني كثير ومسويتلي مقام عالي عندها هههه وانا كمان كنت اعتبرها صديقة مقربة بس للأسف طلع كل صداقتها مصلحه في شي معين مارح اذكره ولما طار هذا الشي صارت وحدة ثانية ماكأني كنت صديقتها بس لازالت علاقتنا عاديه اذا شفتها اسلم عليها وخلاص علاقة سطحية ..وتعوضت بصديقة تسواها وتسوا طوايفها 💟
  2. @noor124

    صديقتك مو معناته تتحكمين فيها

    في ايش تختار

    وكيف تعبر

    ممكن شافت اهتمامك مبالغ

    خففي معها تواصل

    خلوها زيارات افضل من الرسايل

    او تطلعون مع بعض كوفي او مول
  3. @fyfyt

    طيب ليش تنصحينها كثير يمكن ما تحب كثرة النصائح بتحسك تتدخلي بحياتها اذا حندها مساكل وبتحكي لك اسمعيها بس هي تحب بس لي يسمعها أما الحلول كل واحد يفهم حياته وكيف يسايرها
  4. @shn_abyd

    ضحكتني كلمت اكلتي شي مهما كان درجه الصداقه مااقول لها اكلتي شي
    شافتك لاصقه فيها وخانقتها شافت نفسها عليك
    بلوك وريحي راسك

تابعي تجارب أخرى من هذا القسم.