اسريه

مرات اقول احسن من الطلاق ومرات اموت قهر من اهانته لي قدام سلفاتي وقدام خواته وقدام المجتمع كله غير كذا هو كان مسجون وانتظرته لين طلع ماتطلقت منه وهو مسجون عند ممنوعات قلت مراح اكون انا والزمن عليه وهو كان يقول خليك معي ولا طلعت والله لااعوضك وانا ضحيت له اخر شي يوم طلع الا هو بس يتكلم عن الزواج الثاني ومدري ايش وكنت احسبه بس يتغلى وبعده انصدمت حاط حواجز بيني وبينه ولا يجلس في بييتي وكله برا مايجي الا اخر الليل واذا ارسل لي واتساب حذف ومسح كأنه مايبغى دليل انه يرسلي وبعده قام يوريني صور بنات طالعات مع شباب يقول شوفي شفتها مع الشباب البنات ضايعات في الزمن هذا ولو بس بعطيهم وجه جو معي زي الشباب ذولا!!! بعده تشاديت معه الكلام عشان اسلوبه معي والحواجز اللي يحط بيننا قال اساسا مطلقك قبل ادخل السجن ومالك معي كلام وراح لبيت امه وقعد له شهر اخواني رخوم يوم عرفوا بالسالفه ارسلوا لي يضحكون يقولون جدعك جدع الجزمه!

ولو بخليه يهجول واكبر المخده ومصيره يرجع كيف اخليه يدخل عندي وهو قايل مطلقك من قبل ادخل السجن وهو فعلا طلقني بس راجعني والحين يقول ماقلت اني رجعتك انتي مطلقه من ذاك الوقت يعني كإنه يقول اني انا مدخلته البيت وانا ماني ع ذمته

كيف مو مرجعك
يعني ماعاشرك خلال هالسنين
مجرد معاشرته لك تعتبر رجعة
بس بشرط تكون خلال فترة العدة
موضوعك مشربك
المفروض لما وحدة تكتب موضوع تكتب هالمعلومات المهمة
مدمن ومخدرات ومسجون
اكيد الردود بتكون غير لما تكتبيها من البداية
ماجبتي سيرة اطفال
مادري هل مو مخلفة
اذا ماعندك اطفال فمعليش انتي اللي قللتي من قيمتك عنده
ولا مايكسر الحرمة غير عيالها
والا لو براسها تشوته وتشوت اللي جابه كمان
لكن لو عندك عيال فكري في وضعك معاهم بعد الطلاق
ولو رجع مايلمسك لين ماتشوفي موضوع الطلاق
موضوعكم يبغاله فتوى

انتي ليش مسترجله على زوجك

ومستقويه

انتبهي لأسلوبك معه انتبهي تتحدينه او تبينين انك ارجل منه وهو مايفهم او تلمحين له انه مو كفو وانه ولد صغير مايفهم

والله العالم انه يبي يأدبك

صح اسلوبه غلط بس هذي حركاتهم يبي يأدب يهجر