زوجي ما يساندني وقت مرضي! شوركم؟

مرحبا عالم حواء.. ما نستغني عن نصايحكم وشوركم في العلاقات الاسرية
قبل ابدا باستفساري وشوركم لي. حابه اعطيكم تصور عن زوجي, ما يبخل علي ماديا، ونطلع نتمشى ولا يقصر من اغراض للبيت وعندي شغاله. ولكن هو انسان جاف عاطفيا لي. وكثير الانتقاد. كل ما كلمته عن كثرة الانتقادات. يرجع يقول لي انها انتقادات بناءه. بس هالشي صار مزعجني.
طيب، الموضوع اطفالي مرضو سخونه وزكمه.. وانا مرضت معهم. وديتهم المستشفى. وزوجي بدل ما يقول كلام طيب, قال انه لو مكاني ما وداهم المستشفى وان هالمرض موسمي ويروح. اللي قهرني انه ما قدرني ابد ولا كلمه وحده. وانتقدني وديتهم المستشفى وانا تعبانه! وبعدها سالني حطيت كريم على بنتي (عندها جرح والكريم عشان يلتئم)؟ قلت لا. قال طيب مهم يتحط عشان ما يبقى اثار. قمت عاتبته بدل ما يشوف حالنا تعبانين ويساعدنا يجي ينتقد بس؟
في اليوم اللي بعده مرة تعبت وحتى ما كنت اقدر اوقف من التعب والسخونه. ارسلت له يجي بدري من الدوام (العادة يتاخر) ورد قال لي انه بيحاول بس قال بتاخر اكثر من العاده! وبالفعل جا بالليل متاخر. هذا وانا في امس الحاجه له انه يجي يمسك العيال شويه وانا تعبانه بس للاسف واضح اني مني اولوية في امس الحاجات!
باليوم اللي بعده كان ويكند, وجلس بالبيت. ويعرف اني تعبانه. بس ما كلف على نفسه ياكل العيال او يساعدني باي شي. بس لعب معهم شوي وجاب عامل البيت يشتغل. ما فكر انه يساندني للاسف.
واليوم اللي بعده فتحت معه الموضوع واني زعلانه انه ما فكر حتى يكلمني او يعتذر لي. واني في اشد اوقات مرضي ما جا عندي ولا ساندني ولا استاذن من دوامه بدري. قال لي حاول وما قدر بس هالشي مني قادرة اتقبله. يعني لو ما ضحى وجا عشاني وانا محتاجته؟ متى بالفعل يبين معدنه؟ ولما قلت له انو حتى بالويكند ما جلس معاي ولا اكل العيال او ساندني, بالمقابل جاب عامل يشتغل بالبيت زعل وقال كيف انو اجحد وجوده بالبيت مع انه كان يقدر يطلع مع اصحابه ووصف هالشي من قلة الادب. مرة اثر فيني. وين الخطا؟؟ ايش رايكم