زوجي مريض واتعبني

من جد والله تعبت زوجي قلت لكم قبل تعبان ومعه فشل كلوي له سنتين بس لسع ماغسل يمكن ذا الشهر يبدا يغسل من تعب وانا كل ماقال شي اقول طيب اذا رفض يعطيني فلوس اسكت اذا جرحني بكلام هم اسكت كل ما سواءشي حتي لو غلط اقول صح بس ابي اليوم يمشي وانفك من زعله ولا ابي انكد عليه يصحيني من عز نومي ويبدا يشتكي هنا يوجعني هنا يشدني هنا برد اقري علي قران سوي لي مثل الطفل اخبطي علي ظهري العبي بشعري عشان يرجع ينام واشياء كثيره كثيره فوق طقتي عندي بيتي وعيالي انظف اطبخ اودي واجيب يقول ماعندك شي انا تعبان يالله تعالي جنبي حطي ظهرك علي ظهري بنام طول اليوم نايم ولا مغمض عيونه واقول خليه تعبانه نفسيته بس اهلكني لي يومين يقول يابقره ماتعرفين تطلعين لبسي انا تعبان يا رفلاء ماتعرفين تطبخين يا غبيه تعالي افركي كتوفي توجعني عشان لبست ملابسي ماحد يساعد الله يلعنك لو اطيح بكرا وش تسووين فيني طيب انا وش اسوي والله من وحده الظهر لحد العصر وانا حاطه ظهره علي ظهري عشان برد يقول وافرك راسه وطلع ملابسه اعطيه الادويه حقته  اول ب اول اهلكني اهلكني شغاله مايقدر يجيب لي ضغوط ماليه عنده بس من جد تعبت تعبان اشيل وحط فيه طبخ اول ب اول مهتمه فيه علاجاته بواقت ياخذها اجلس اسولف معه ماروح لاهلي ولا اطلع عشان اكون جنبه ومن امس ما يناديني الا بكلامات تجرح واسلوب يذبح حتي البنات الصغار يمسحون عنده الجدارن بمويه ويقول ايه العبوا وبكرا الكلب الي ماخذ امكم يسدد فوتير المويه ايوا كسروا والحمار بيجيب جديد اخ من العصر نار بقلبي هذا جزاء الاحسن اذا هو مريض مو معناته يدعس علي كرامتي زودها مرا عطوني نصايح بالله وش اسوي اروح لاهلي وخليه كم يوم لحاله يمكن يعدل اسلوبه ترا مالي شغل بمرضه عشان يحط حرته فيني تعبت وربي تعبت اهلكني وفوقها يقول لي بقره ولا همه حتي ان رمي علي كلام يجرح يشوفني ابكي ويطنشني ولا همه اخ الله يصبرني