هويّتي

السلام عليكم ورحمة الله وبركاته
كيف حالكم بنات عالم حواء
حابّه أستشيركم بموضوع مضايقني من فتره طويله
أنا ولله الحمد تربّيت عالقناعه والرّضا وحب الخير للكل
وعندي قناعه تامّه أن الكل ياخذ نصيبه من السعاده والمرض والإبتلاء هذي سنة الأنبياء أشرف خلق الله
اللي مضايقني نظرة المجتمع معتمده جداًّ عالمظاهر والتّباهي والنّفاق من يتّصف بهالأمور يحترمونه ويجذب انتباههم ويوجبونه
أبي أحافظ على هويّتي ما أبي أتباهى أو أنافق عشان أجذب الإهتمام
اللي يحز بخاطري ينظرون لج إنّج مسكينه
ومن زمن الطيبين
شفيهم الطيبين يازينهم ويازين زمنهم مربّيات أجيال ومحافظين على بيوتهم ويحبّون الستر ويجمعون مايفرقون
الحين لا جمعات والقلوب مريضه تكرهج واهي ماتعرفج لاحول ولاقوه الا بالله ومرض الغيره ماتبي أحد ينمدح غيرها شدعوه كل وحده فيها مميزاتها وعيوبها الكمال لله اشفيها إذا مدحنا بعض وتمنّينا الخير لبعض
الله ملكه عظيم موزّع الأرزاق ماينقص من ملكه شىء
للأمانه في مجالس استثقلها بس ماحدني لها إلا صلة الأرحام
الله يصلح حالنا ويرشدنا للصّواب