هل هالشي طبيعي

طبيعي مدري ليش مكبرة الموضوع
اكثر البنات يتزوجوا شخص مايعرفون افضل من القريب ابعد عن الشر وغني له
والسؤال عنه والتحري وعدم العجلة سواء قريب بعيد هو اللي يحدد

الافضل ماتتدخلي في أمورها الزوجية لان مايعرف هالشيء الا المتزوجين حرام تقطعي نصيبها نصيبك جاي حرام التخبيب

استخيري حبيبتي الله يكتب لك اللي فيه الخير.. عقبال زواجك أن شاء الله تبشرينا🌹

اهلين شتات المعذره تاخرت عليك في الرد
بس قلت لازم امخمخ واشرح لك زين
انت قلتي عاداتهم وانا مثلك اول ما انكتب كتابي قلت عااداتهم وتحترم تمام
بعد الملكه بسبوعين دق على اخوي وقال ابي الرقم حقها وابي رقم حسابها قلت انا المصونه لا والله ما تعطيه الحين استحي وحسابي بعد مو بالحين عشان ما يقول عني محتاجه اول نقطه رديت عليها 🤗
انت ما تأيدين شرع الله وجهه نظرك
بس انا اييد لاني صرت زوجه شرعآ وقانونآ
ما اظن شخص يملك ويكلم زوجته ويقول عنها جريئه مرررره اخالفك الراي الا لو هو شكاك ولا مريض الله يشفيه
ممكن يا شتات في مجتمعكم ممكن حنا بمجتمعنا اخواني خواتي كلهم ماصار بينهم شك الحمدلله صح تقولين هو ما بادر يكون بعلمك من بعد العقد بادر وانا رفضت وما خليت اخوي يعطيه الرقم قلت اتغلى اشوي
لا حنا نطلع ممنوووووووووووووع ❌
سالتيني ليه ما تزوجت من العائله
سؤال جميل انت تختارين نصيبك ولا الله هو الي يختار ويقدر لك يعني بها الامور ما ابي اخوض اترفع عن هالرد
انا ما قلت على طول ابي طلاق قلت ابي اتفاهم معه من البدايه اعرفه ويعرفني ولا اتمنى اني اطلق وان صار الطلاق مقدر ومكتوب وافضل وانا باقي في بيت اهلي قبل ما يكون معي بزران

انا بعد معك مع البنت الي تستحي حقيقه ومن قايل لك اني جريئه ولا ما استحي
يكون بعلمك انا بشوفه وهي شرع الله ما شفته من كثر الخوف بشهادته اهله قالو انتِ مره تستحين ولا شفت وجهه غير بصوره
ولو اني جريئه حقيقه ما كان طاح مني تبسي العصير قدام الناس من كثر الخوف يعني مب لازم اعلمك قصتي حياتي عشان تعرفين اني استحي ولا لا عليه الصلاه والسلام الرسول محد فينا يوصله
وهذا العلم وسلامتك

اي صح افتكرت آخر نقطه اقرب موعد الزواج ليه ؟؟؟؟؟؟
ودي اعرف السبب
لانه فعلا والله كان قريب وانا طلبت يتأجل ما ابي ادخل بنيتك بس ابي اعرف ليه ؟