تجربتي مع الأجنة المجمدة

هذا الوقت بعد ماضبطت البطانه قالوا يلله خل زوجك يجي يوقع على فك الأجنه المجمدة قلت تمام ..
جا زوجي وتمت المطابقة بالبيانات الشخصية لي ولزوجي والمطلوب (الأحوال وبطاقة العائلة)
.
.
وقعنا أنا وزوجي وقالوا لي بنكلمك بعد يومين نعلمك نتيجة الأجنة اللي فكيناها .
.
ياطول هاليومين

نقطة مهمه جدا يسألون عنها اللي بيجمدون ، أنا جمدوهم لي باليوم الثالث ، وثم بعد فك التجميد خلوهم يكملون نموهم وانقساماتهم إلى اليوم الخامس ..
الأغلب يعتقد إن التجميد لازم يكون باليوم الخامس (أنا جمدوا لي الأجنة باليوم الثالث وعقب فك التجميد كملوا النمو لليوم الخامس وثم كشفوا عليهم)
.
.
.
الحين وصلنا لليوم الخامس كلموني المستشفى الصباح وقالوا لي نبشرك فيه جنين واحد سليم وممتاز جدا ونوعه ولد أما باقي الأجنه كلها فيها مشاكل … فرحت قلت زين بجيكم بعد شوي ….

.
ملاحظة بالنسبة لارجاع الأجنة عادي تفطرين (مو لازم تصومين ) وشي ثاني لازم تشربين مويه وتصير مثانتك وقت الارجاع نص مليانه ..)

.
نرجع لارجاع الأجنه ، رحت وأنا مبسوطة ومسفهله وقبل أروح للمستشفى كنت طول الليل أدعي وأستخير الله وكل الأيام أدعي و أستخير إن كان بأحد هالأجنة خير إن الله ييسر لي حمله وكان بأحد هالأجنه شر إن الله يصرفه عني بما يشاء من خير وثم يقدر لي الخير ويرضيني فيه..وكنت أدعي ما أتعلق بحمل وثم يموت أطلب الله يبشرني مثل مابشر زكريا بولد صالح ..
.
سويت العملية وتم ارجاع الجنين وكنت ماشية عالتعليمات وطول الوقت تحاميل وأبر مثبته ومحلول البيض ودوفاستون ، وماقلت لمخلوق أبد ….
.
.
يتبع

وأخير يا أخواتي لم يتم الحمل
مع العلم إن الجنين كان بحالة جيدة وأنا كنت بحالة جيدة ، لكن لم يرد الله لي وباذن الله إنه أجاب دعاء وصرف عني كل حمل ممكن يشقيني وبكرمه وبرحمته بيرزقني ويرزق كل من تتمنى الذرية الصالحة

مرررة طولت عليكم لكن كنت وقت رحلتي بالعلاج أتمنى أسمع هالتفصيل من أحد ومالقيت بعض الأجوبة واحترت فيها ، يارب يرزق كل من تتمنى الذرية ويسخر لنا أزواجنا وأحبابنا ويرزقنا من حيث لانحتسب ، اللهم عوضنا خيرا مما فقدنا واجعلنا راضين حابين لأقدارك

الله يسعدك دايم يلفتني اسلوبك مريحه ومتفائله الله يقرب لك الخير 🌸

اختي انتِ عندك عيالك ؟؟