رمضان قرب وانا ولا مره ختمت القران💔خلونا نبدا قبل رمضان🌙

السلام عليكم
بدون مقدمات بدخل في الموضوع على طوول….

انا زهقت من نفسي ما عندي شي اسويه ولا شي لا وظيفه ولا شغل سعيت كثيررررر بس متسكره معي من كل جهه حتى موضوع الزواج ابدا ما يتيسر كلمت خطابات كثير الناس اللي تجي تروح ولا ترجع مع انهم لما اشوفهم يكونون حابيني كثير ويقولون لاهلي ردوا لنا قريب واخر شي هم يهونون مو اول مره كثيرر وانجرح وابكي
حاليا احسني في دوامه تعبانه كثير من داخلي مالي رغبه في اي شي فقررت اضبط علاقتي مع الله لاني مقصره كثير من ناحيه تاخيري في الصلاه والقران والاذكار ، الله يسامحني قررت من بدايه السنه الجديده التزم اكثر لانه احس اتخبط كثير يوم التزم ويوم اتاخر مع انه ما عندي شي اسويه ابدا صديقتي تقول يبختك انا لو بدالك اختم القران كثير سمعت نصيحتها بس ما قدرت استمر فيها وهي تقولي تعودي من الحين لانه رمضان قرب لانه يابنات ولا مره ختمت القران في رمضان💔ما اعرف كيف انظم وقتي مع انه ما عندي اي شي اسويه اقترحوا على كيف اقرب من ربي اكثر واخلي وقتي كله ذكر وقران مو لغرض دنيوي لا ابدا ابي ارتاح من الداخل لانه احسني تعبانه مع اني اطلع واتمشى بس مخنوقه كثير وحاولت احضر حلقات ذكر ماشاءالله الكل عنده خطه يوميه مستمر عليها واحسني انا متاخره كثير والمشكله ما بديت لحد الحين ،رمضان قرب وودي اتعود على اجواء رمضان من الحين لانه اذا جاء رمضان ابي اكون متعوده على ذكر ربي واختم القران كثير
اتمنى تنصحوني ❤️ وجزاكم الله خير

3 تعليق 411 مشاهدة

شاركي في النقاش

سجلي الدخول لإضافة تعليق.

التعليقات

3
  1. @shoog_18

    اول شي بعد كل صلاه اقري وردك اليومي وخذي لك سورة وابدي احفظي من اول شوي واليوم الثاني شوي بعدين راجعتها واقريها في الصلاة وانا انصحك بقراءة سورة البقرة كل يوم والله بتحسين براحه وبركة في يومك ماتاخذ منك إلا ساعة ودايم ادعي هذا الدعاء اللهم أعني على ذكرك وشكرك وحسن عبادتك
  2. @mtfayl_khyr_1_1

    صاحبة الموضوع
    SHOOG
    اول شي بعد كل صلاه اقري وردك اليومي وخذي لك سورة وابدي احفظي من اول شوي واليوم الثاني شوي بعدين راجعتها واقريها في الصلاة وانا انصحك بقراءة سورة البقرة كل يوم والله بتحسين براحه وبركة في يومك ماتاخذ منك إلا ساعة ودايم ادعي هذا الدعاء اللهم…
    كم صفحه من الورد اليومي ؟
    وسوره البقره في اي وقت اقراها؟
  3. @eman91

    حملت تطبيق اسمه ختمة ، ان شاء الله يعيننا.
    الله يرزقك من واسع فضله و يحقق لك أمانيك.

تابعي تجارب أخرى من هذا القسم.