للاسبوع ١٣.. وبعضهم يواصل معاهم طول فترة الحمل والبعض ينتهي عندي اسبوع ١٣ ويرجع في الاسبوع ٣٦.. يعني بالشهر التاسع
بحملي الاول توحمت ع الروايح كرهت عطوري كرهت ريحة بيتي كرهت ريحة زوجي.. كنت اشم ريحته اطارات سيارة.. قعدت عند اهلي ٣ شهور.. بعد ماكملت الثلاث شهور رجعت طبيعي.. بس كنت اشتهي الغبار والتراب.. شقتي كانت ٢٤ ساعة تلمع.. من يغبر شي امسح الغبار بصبعي وللفم على طول 😅😢 لي ماخلصت نساتي هذي هههه مع نهاية السادس
بحملي الثاني كان وحامي اصعب من الحين بوايد.. الترجيع تعبني وااايد.. وماتحمل روايح معينة وكنت اداوم.. طول الوقت سواء في البيت او في الدوام ارجع.. وماكنت اقدر اكل غير الحلاو والايسكريم.. لي مانزل البيبي كنت بنهاية الثالث..
حملي هذا نساتي شوي مختلفة.. احب زوجي ولازقة فيه.. الغثيان والترجيع اهون من قبل بس هم متعب وايد وفي الصباح فقط يعني من يأذن الظهر ارتاح ههه مادري شلون موقت نفسه .. وصرت ما احب اكل المطاعم ابدا.. وكرهت العيش (الرز).. اغلب وقتي نايمة.. امس الصبح اسولف مع امي بنص سالفتي نمت عليها..
بس اهم شي يا بنات اللي تكره زوجها وبيتها لا تكسر بخاطر زوجها ابدا.. لانهم ماينسون.. قعدوا عند اهاليكم وتعذروا بريحة بيوتكم وهرموناتكم ونساتكم.. بس ابد لا تقولين له وخر مو طايقة ريحتك.. او ريحتك مو حلوة..
التجمع الأول لمواليد ( سبتمبر ♥️ أكتوبر ) 2023
متابعة النقاش، صفحة 29