السلام عليكم
عندي موضوع كاسر قلبي صراحة واكس بالذنب
انا أمي أجنبية ( مو عربية ) .. وابوي سعودي
تزوجت من ابوي وجابت اخوي الكبير وانا ثم انفصلت عن ابوي رغبة منها واحنا جدا صغار
اخوي كان عمره سنتين وانا سنة وراحت بلادها طبعاً حاولت تاخذنا قد ما تقدر لكن ابوي اخذ الحضانة
ابوي بعدها تزوج وزوجته الثانية اللي اعتبرها امي وكل شي ربتنا وكانت لنا الأم الله يحفظها لكن برضو انفصلت عن ابوي بعد ما كبرنا وللحين نروح لها ونزورها وتحبنا كأننا عيالها ونحبها
بعد ما كبرنا ومرت سنيييين أمي الحقيقة حن قلبها وصارت تبينا وتبي تشوفنا بالذات انها تزوجت بعد ابوي ولكن ما انجبت وتوفى زوجها صار له سنين
لكن انا واخوي بكل صراحة ما نكن لها في القلب شي !علاقتنا رسمية جدا
طبعا طول هالمدة ما كان لها اي حب في قلبي فقط احترام لانها امي في النهاية لكن قلبي بدا يلين وحسيت اني عاقة بعد ما حضرت زواجي وشفتها فرحانة مع اني ما عزمتها ولا كلمتها وللحين ما ادري كيف عرفت اصلا💔💔
ما عمري اعتبرتها امي لكن لما كبرت بديت احن وبالذات لما تزوجت وانجبت 😔
هل هذا يعتبر عقوق ولو انتي مكاني هل راح تقدرين ترجع علاقتك في امك جدا عادي وتحبيها من كل قلبك ولا كأن صار شي ؟؟؟؟
شاركي في النقاش
سجلي الدخول لإضافة تعليق.
التعليقات
13- وعليكم السلام ياهلا الموضوع طبعا صعب و يقولون الام اللي ربت و مدام كبرتوا بعيد عنها طبيعي مايكون في مشاعر قويه اتجاهها لكن ظروف والدتج الحقيقية بعد الله يعلم فيها… من رايي حاولي تتواصلين معاها كثر ماتقدرين من باب البر
- ايوه اكيد بالنهاية هذي امك الي حملتك وولدتك وتعبت عشانك يعني انها تركتكم هذا شي مو بيدها لان الحضانه صارت للأب فما بيدها شي بس مهما كان هذي امك وقلبها اكيد عليكم طوال فتره بعدها عنكم هوا انتي تحسين انها ما اعَتنت فيكم ولا كبرتكم بس انها للان تحن عليكم ولو ما تحبك كان ما حضرت زواجك ولا سألت عنكم
حتى الرسول وصئ في الوالدين حتئ لو كانو يامرونك للكفر لا تطعهم بس لا تقطع علاقتك فيهم حبهم بس اعصهم للشي الي ما يرضي الله فقط بس شي ثاني لا تعصيهم عليه ولا تعيقهم وهي بالنهاية مالها غيركم مع انها ما أنجبت بعدكم مالها غيركم في ذي الدنيا بعد موت زوجها مالها غيركم بعد الله أتمنى انك لا تكرهين امك وترجعين العلاقة بينكم مهما كان هذي ام حزنتني والله 😢😢 - منتي عاقه
انت بشر
والبعيد عن القلب بعيد عن الغين.
العبره بالقادم
صليها واسألي عنها وكلميها واهديها. - اذا كانت تحاول تتواصل معكم وانتو رافضين اكيد عقوق ترا الدنيا ماتسوا وارجعو لامكم وداروها ماتدرون عن ضروفها الي خلتها تتركم ومن عفا واصلح فاجره على الله والله اقول هالكلام ماقصد الومكم وادري شعوركم صعب خصوصا انتي لان البنات عاطفتهم تغلبهم ومتاكده كل هالسنين تفكرين فيها وتتمنين انها كانت جنبكم بس خلاص دام راح نص عمركم بدون بعض اغتنمو الفرصه وتواصلو والله يصلح مابينكم ويحنن قلوبكم عليها💔💔😭
- اذا عندك القدرة تزورينها او على الاقل تتصلين عليها وتتواصلين معها
طبيعي بالبدايه مايكون فيه مشاعر لكن اذا قربتي منها أكيد بتحبينها من كل قلبك حرام محرومه منكم كل هالسنوات حاولوا تعوضونها عن اللي فات
مواضيع مشابهة
تابعي تجارب أخرى من هذا القسم.