بنات بكل امانه
انا مالي اي حظ بالحياة
احيانا اقول حياتي وموتي واحد
اصلا الحياه بكرها ماحس اني متمسكه
فيها يعني ماتفرق معي عشت مت
حياتي زي الزفت
من الطفوله مالي حظ باااااااي شي بالحياه
لدرجه اجلس
بيني وبين نفسي
واقول ليش انا مخلوقه ؟؟
بس كذا يمشي عمري وانا كذا
الحين وصلت٣٢
وحياتي هي هي محلك محلك
من قبل عشرين سنه
نفس الحياة
اللهم عمري جالس يمشي
يعني مالي حظ باي شي ليش الله خالقني بفهم!!
اشوف صديقاتي قريباتي
اللي مايصير لها حظ باهل
يعوضها الله بزوج
االي مالها حظ بزوج
يعوضهاًالله باهل
اللي ماله حظ بوظيفه
يعوضها الله بجمال
اللي مالها حظ بجمال
يعوضها الله بوظيفه وتجاره
وفيه ناس اعرفهم شخصيا
الله معطيهم كل شي
جمال وتجاره ووظايف مرموقه وفلوس
وزواج بدري وعلى سنع ماخذو رجال اي كلام
واهل مدلعينهم
انا ولا شي ولا شي ولا شي ولا شي
من اللي ذكرت فوق لي حظ فيهم
لاهل ولا زواج ولا وظيفه ولا فلوس ولا جمال
بالطفوله
تعرضت
لتنمر كسرني هالشي
تعرفوت وقت الطفوله
البنات يتنمرو علو السمر
او اللي شعورهم خشنه
حتى المعلمات
كانو يختارون اجمل بنات
لما يطلعو الاذاعه او حفل
اما اللي اشكالهم عاديه
او شينات لو انها تعرف مايبونها
بسبب شكلها
امي للاسف مع اني كنت البكر
ماكانت تهتم فيني من كنت طفله
يعني كان شعري خشن
ماكان تهتم فيني
ماكانت تسرح شعري
كانت تربطه حتى بدون تمشيط مستوعبين!!
فكان ينفش وشكلي خايس
طفله!!
مالقيت احد يهتم بي
مررررررت السنين وكبرت
ووصلت اول كليه حاولت الحق ع نفسي
سويت رجيم ونحفت لكن خلقه الله
ماقدر اغيرها انا الله ماعطاني نعمه
الجمال محرومه منها
يعني بكل شي فيني شين بكل امانه
احيانا تشوفون بنات
جذابه او مثلا مو حلوه
لكن شعرها
حرير
او مو حلوه بس بشرتها صافيه وبيضا
او جسم
او ملامح
انا ابدد😭😭
كل شي فيني شين مافي ميزه بوجهي
حلوه
ومشت الحياه وصديقاتي يسلكون لي
يوقولن الشكل مب مهم
وياكثر اللي صارت حظوظهم حلوه
وهم اقل من عادين
الجمال مو كل شي
مع كل هذا حظي زي الزفت
حتى بالزواج ماعمر يعني احد تقدم لي!!
حظي زفت وصلت ٣٢ اصلا ماتفرق الحين
خلاص كبرت تزوجت او لا تساوت عندي
وظيفه كل مكان اقدم من لما تخرجت
سنوات اراكض مافي اي شي !!
اهل انامين مايحسون بك
انا اللي اعرفه الاهل
يسنعون عيالهم
يبون يوظفونهم
يبون بناتهم يتزوجون
انا لا اب ولا ام
طاقين لي خبر
ماهمهم ابوي بس فالح يركض لاخوانه
ويلحقهم طول اليوم معهم
بعد ماتقاعد
وامي لما كبرت صارت تتصرف بانانيه
يعني امي عاشت كل عمرها وتزوجت
وجابت عيال المفروض تحس
لكن هي ماتبيني اتزوج
ولا اتوظف ماتبي ابعد عنها عشان
ماتجلس لحالها!!
طيب انا وش ذنبي اتوهق هالوهقه!!!!!!!
وش هالانانيه اللي بالاهل لي !!!!!!
اقسم بالله
تعببببببت وماتفرق الحياة بشي عندي الحين
لان خلاص
راح من عمري اكثر من اللي بقى
اللي بعمري ونص صديقاتي وقريباتي
حققو احلام من وظايف وزواج
وعيال وانا مكانك مكانك
ماتحركت حياتي
من عشرين سنه
شاركي في النقاش
سجلي الدخول لإضافة تعليق.
التعليقات
9- بس بس بسسس بنات اتقو الله
ملينا من مواضيعكم المكرره تعبنا واحنا ننصح بنفس العضوات ونفس المواضيييع
كلها نفس بعض
محسسيني ان اللي تتزوج تدخل الجنه والا اللي تتوظف خلاص ملكت الدنيا
هذا نحنا معاكم كلنا بمنتدئ واحد مافينا شي تغير بس نقول الحمدلله
ترا اللي متوظفه تكد وتتعب ماتلاقي راتبها بالسهاله تذوق الويل
واللي متزوجه تعاني وتكتم من زوج على حسب حظها ياتصيب ياتخيب مو كلنا عايشين بقصور ولا كلنا ملكات جمال
مننا اللي سمينه والا نحييييفه والا وجهها حبوب واللي شعرها ناشف جاف
واللي فيها مرض وشكواها لله واللي فيها اللي مكفيها من عيالها واهلها
بس نقووول الحمدلله الحمدلله عايشين
قولو الحمدلله ع الصحه والعافيه
والا لازم الوحده تمرض عشان تستشعر نعمه الصحه والعافيه…
والله دنيا فانيه وكل واحد يلاقي اللي ربي كاتبه لها بس يكفيكم تذمر وشكوئ من اشياء ماتستاهل كل هالمواضيع والشكاوي.. - طيب جربتي تحطين رقمك عند خطابة
كلمتي احد من قريباتك تشوف لك عريس عمه خاله جارة اهم شي تكون امينه وعاقله
جربتي تتوظفين
الله يقوم حظك في هذي الليله يارب ياكريم - طيب تدرين ان ربي سبحانه وتعالى ارحم فيك من امك اللي جابتك ليش ماتدعين ربي وتتقربين له لعل الله يحين حالك ومآلك
- بالنسبة لسؤالك ليش الله خلقني ؟خلقك للعباده (وماخلقت الجن والأنس إلا ليعبدون )ماخلقنا عشان نتفاخر بجمالنا ومالنا وماهذه الدنيا الا عابره والله يرزقنا الجنة يارب..وترى ماحد خالي من الهموم والمشاكل بس الانسان يتفائل بالخير ويحاول يركز ع الايجابيات اللي في حياته انتي عددتي كل السلبيات اللي في حياتك لان عقلك مركز عليها طيب حاولي الحين تحصي الايجابيات والنعم اللي انتي فيها وبتشوفي انها تفوق هذولا اللي عددتيهم بكثير ..
- والله محد خالي من الهموم والمشاكل والعيووب لا يقرك المظهر من بعيد حتئ الي عنده كنوز الدنيا ينام مهموم او مريض والي عندها جمال تلاقي زوجها مو مهتم فيها ويخونها والي موظفه تلاقيها في الهم والنكد والتفكير والله والله محد سليم من المشاكل الحمد لله رب العالمين بس الشكوى لله اشكي لرب العباد الرحيم فيك من امك هو كاتب لك الخير لعله كاتب لك الأجمل الله ما بينسئ احد خليها في بالك مهما طال الزمن يمكن انتي عندك نعمه ما حاسه فيها
لو شكيت من اليوم لين بكرا ما بتخلص الشكاوي اللهم لك الحمد بس نحاول ندعي ونكتم لان محد مرتاح بذي الدنيا هي كذا الحياه لا غنى ولا فقير لا جميل ولا شين مرتاح فيها
مواضيع مشابهة
تابعي تجارب أخرى من هذا القسم.