اسوء موقف مر على بحياتي كلها 🥺
كنت بملكه بنت خالتي يوم الخميس وكنت فرحانه فرحانه جداً لها بعدها يوم جيت ابطلع خلاص انتهت الملكه لقيت زوجات خوالي قاعدين وبناتهم وحريم كثير اخذت عبايتي وشنطتي قالت لي وحده تعرفنا من بعيد: وانتي متى تتزوجين اللي اصغر منك عيالهم بالمدارس قلت لها اذا جاء نصيبي بتزوج ان شاء الله قالت لي محد يبيك اصلاً وهذا عمرك مع ضحكه طويله اللي كسر قلبي انها تكلمت قدام زوجات خوالي وفشلتني قدامهم حسيت وقتها يدي قامت ترجف ورجليني حتى سيارتي معد قدرت اسوقها بسبب يدي ترجف وانا اذا انكسر قلبي يديني ترجف مادري ليش بعدها دخلت غرفه وهديت نفسي وامي تسألني ماقلت لها يكفي اللي فيها من سكر وضغط ماحبيت اعكر مزاجها تمنيت ان الأرض انشقت ولا اسمع هذا الكلام قدام زوجات خوالي رجعت البيت والله اني مانمت من البكاء كنت فرحانه ومبسوطه وبعدها تعكر مزاجي للأسف مو اول مره كثير تصير معي هذي المواقف اذا شافوني فرحانه يرمون على كلام الله يجبر خاطري 💔 صليت للوتر ودعيت ربي 🥺 اللي قهرني ان زوجات خوالي كلهم يناظرون فيني وبناتهم تخيلو المنظر بالله حسبي الله ونعم الوكيل