تذكرون اللي مخبية عني حملها

مو طبعي اسأل وحده لو حامل أو لا ، إن دريت دعيت وفرحت ،،، لكن انها تخبي بالقصد والكل يدري ماحبيتها منها ،،، ايه هي تبي أخدمها بموضوع معين وكنت عارفه هالشي وتخيلي طول الحمل ترسل لي اللي معها استفسارات لو وحدة حامل وجاها كذا وش تسوي صرت اقول ما ادري هههه لأني فعلا أدري انه السؤال لها

اكيد ادعي لها لكن طاح من قلبي قدر كنت حاطته لها ، أيام القدر يرجع يوم الشخص يطيب خاطرك ويتسمح منك وأيام لا يبقى القدر نازل لأن الشخص يثبت لك انك ماهميته ،، ربي لاتجعل في قلوبنا غل للذين ءامنوا .وعندنا بالدنيا أمور أهم منها لكن حبيت أسولف لكم لأني بديت لكم بالسالفة من كم شهر

استغفر الله يا ربي كثير استغرب من الحريم اللي يخبون حملهم حتى ولو ما عندهم مشاكل و حملهم ثابت الحمدلله او اللي فيها طبع تقولك انا في شهري السادس بعد يومين تسمعين عنها مربية اشلون ما تعرفي و تكون مكمله شهرها الحمدلله
ترا في النهاية هذا رزق و من عند الله ليش تخبين او تكذبين ترا مردك تربين بالسلامة.
استغفر الله من هالنوعية.
حريم اول جعل ربي يرزقهم الجنة يقولون اول الاشهر لا تعلمين احد بحملك لحد ما يثبت و امورك انتي والبيبي كلها تمام لكن بعد كذا وش عذرها الوحده تكذب و تخبي صح حرية شخصية لكن احس ابدا مش حلو.

صحيح كلامك وانا معاك
وعيني عينك تخبي عليك لكن كان بإمكانها لما صار الموضوع تعلمك وخاصةً انه الجميع كان يعرف بحملها ... و تعرف بيجي وقت و راح تحتاج لك الله يصلحها و يصلحنا يارب 🤲

صغر عقول وقل ثقة بالله… ، والحمد لله ماقالت لي كان لو تعبت بيوم أو جاها مغص قالت عيوني صابتها ههههه ، يوم قالوا لي قلت زبن ماشاءالله الله يتمم بخير ولا سويت أي ردة فعل ، الأعجوبة الوقاحة تتصل تطلب مني خدمات معينه واعتذرت