حملت بالحقن المجهري وطلع فيه كيس دموي

جزاك الله خير ♥️

عادي أذكر بوحدة من حملاتيبالحقن المجهري جاني كيس دموي ، وسووا لي أشعه قالوا إنه خارج كيس الجنين لهالسبب مامنه خطر عالجنين باذن الله لكن ألزموني بالراحة وقتها ، وكنت لما أمشي وإلا أسوي مجهود ينزل شوي دم فصرت مرتاحة بس وماشية على الأدوية بانتظام .. فأعتقد إذا كذا إنه ممكن ممكن يجي هالكيس لبعض الحوامل بالحقن المجهري … لكن لابد انها تحذر مررررة وقد ماتقدر ترتاح وتمتنع عن الجماع .. الله يقر عيونها بسلامتها وسلامة جنينها

ضروري ترتاح مرررة ضروري وتلتزم بالأدوية ، هذا الحل الوحيد للسلامة .. وحتى يوم تصلي تصلي جالسة ويوم تروح للمستشفى تمشي على مهلها أو تطلب كرسي متحرك إلى ماتعدي مرحلة الخطر (أنا مجربة)

اي دكتورتها قالت لازم راحه تامه والحمدلله الميس صغر بس قالت لها بعد ماتتحرك وتلتزم بالراحه لين تعدي هالمرحله والله يصبته ويرزقها بشوفته كامل الخُلق والخلق ..

جزاك الله خير

أنا أتكلم عن تجربة شخصية وليس عن سماع لأحد ، سبحان الله مع ( بعض) عمليات الحقن يجيني تجمع دموي حوالين الجنين لكنن مايأثر عليه يكون خارج الكيس، وتعودت وماعاد صرت أخاف ، وهالشي طبيعي لأن الحمل جاي بطريقة غير مباشرة فيكون الجسم يطرا عليه أشياء استجابة للحمل اللي ماتم داخله بالأصل ، لهالسبب كنت انسدح أكثر الوقت ، واصلي جالسة ، وعالمثبتات بانتظام .. وكنت أطلع زيارات بسيطة لأهل زوجي مثلا وأهلي وصديقتي لكن من أدخل أرتاح وأجلس وراي مخده ، باختصار لابد تحافظ على جنينها الى الشهر الرابع تقريبا …. أنا كنت طول الاشهر الأولى يجي دم اذا مشيت ويعتدل حالي تقريبا بالرابع ، وكنت حتى بالرابع ما أكثر حركة أخاف … وإن تحرك الجنين ووصلت للخامس تزول مرحلة الخطر تقريبا …. الله يتمم لها بخير وتبشرونا … بالله حبيبتي بشريني وطمنيني