هدايا زوجي

مساء الخير اخواتي الغاليات.. رمضان كريم واسأل الله تعالى ان يتقبل منا صيامنا وقيامنا وسائر أعمالنا بالقبول الحسن

اخواتي بدخل فالموضوع مباشرة

وش رايكم بالزوج اللي يهدي زوجته ولكن هدايا رخيصة يعني يمكن يمكن ماتتعدى ال500 ريال سعودي واحيانا اقل.. . هو دخله متوسط بس عليه بعض الالتزامات ولكن لايحاول ابدا تجميع ولو مرة لهدية جميلة بمستوى للعلم اني اهديه هدايا قيمة .. هو مو مقصر فالبيت ولكن مايهتم بنوعية الهدايا .. وغير سخي فهالموضوع ابدا يعني اقرب محل عطر ف المنطقة راح واشترى منه عادي.. بعكس ازواج اخواتي اللي تبارك الرحمن كل وحدة تتفاخر بهدايا زوجها والمفاجأت وطريقة تقديم الهدية مما يجعلني اشعر بالنقص .. انا ماافكر بالموضوع من نظرة مادية ولا لي حاجة بالهدية بقدر مااشوف معزتي وقدري عنده ..يعني الانسان الغالي عندك تحب تهديه دايما اشياء غالية وانا هالشي مااشوفه ابدا واحيانا لما يهديني بعض الهدايا الرخيصة اتمنى ف داخلي انه ماهداني ارحم من الهدية اللي جابها.. واحاول اتجاهل ومااقارن ولكن يحز بخاطري ويتعبني التفكير جدا.. اتصنع فرحتي امامه بهالهدية وانا بداخلي فيني قهر وغيض..

20 تعليق 4,926 مشاهدة

شاركي في النقاش

سجلي الدخول لإضافة تعليق.

التعليقات

20
  1. 😳 الله يهديك انتبهي زوجك يحس يبطل يعطيك ، مو مهم غالي او رخيص المهم مانساك مهتم بفرحتك 👍
  2. وإنت ليش تهديه هدايا قيمه إهديه هدايا مثل هداياه وشوفي ردة فعله إذا علق قولي له
    حسيتك تحب البساطه وإقتنعت بمبدئك قلت أسوي مثله أحسن إذا قالك أحب الهدايا القيمه قولي له هس زعلتني منك ومن هداياك عاد ليش إنت تهديني هدايا عاديه رخيصه
    الصراحه حلوه بين الزوجين خصوصا أنك تهديه هدايا قيمه ليش ما إنتبه وكلف خاطره ولو مره وحده تحز بالخاطر صراحة
  3. @hlawa

    انتي قلتي دخله متوسط وعنده التزامات
    يعني ما قصر ولا اتحجج بالظروف ويجيب لك حسب استطاعته
    وتري ما في احد يجمع عشان يشتري هدية غالية
    وبعدين انصحك ابعدي عن المقارنات والله والله والله انها سبب خراب البيوت
    وكمان لا تصدقين كل الكلام اللي يقولوه الحريم
    معظم الحريم هيا اللي تحجز وتخطط وتطلب وتوصلها
    وفي النهاية تصور وتقول الله يخليلي زوجي
  4. @shyr_oaasl

    صاحبة الموضوع
    tuka
    وإنت ليش تهديه هدايا قيمه إهديه هدايا مثل هداياه وشوفي ردة فعله إذا علق قولي له حسيتك تحب البساطه وإقتنعت بمبدئك قلت أسوي مثله أحسن إذا قالك أحب الهدايا القيمه قولي له هس زعلتني منك ومن هداياك عاد ليش إنت تهديني هدايا عاديه رخيصه الصراحه ح…
    بالعكس ابدا ابدا مايعاتب حتى لو ما هديته شي ابدا ولا يجي ف باله حتى .. ومرات اهديه ويزعل ليش اكلف ع نفسي وانه مايحتاج ..

تابعي تجارب أخرى من هذا القسم.