الغيره المرضيه
السلام عليكم ورحمة الله وبركاته.. بأطرح مشكلتي اللي عذبتني سنوات طويله جدا وأتمنى اللي عندها حل بعدالله سبحانه تساعدني تكفون أوكان لها تجربه سابقه تفيدني والله ماتلقى مني إلا الدعاء اللي يجبر خاطرها.. أنا غيرتي على زوجي جدا جدا جدا شديده لدرجة الوسواس والمرض والجنون.. لأتفه الأسباب أغار وأحاسبه ولايمكن أعدي موقف سواء كان غلطان أو مظلوم تعبت وأتعبت جدا وصلت مرحله ماأبغاها يشوف أي حرمه حتى لو ماشيه حتى لو نظره سريعه أنذبح وأوسوس وأرسم خيالات إنها أعجبته وجالس يفكر فيها ويتخيلها وأحزن وأتنكد وأقلب الدنيا فوق رأسه.. مع إني جدا جدا جدا جميله ماشاء الله وشكلي أصغر من سني بكثييير ماشاءالله لكن سبحان من نزل علي هذاالإبتلاء العظيم.. وكمان أتحكم في كل خرجاته وين بيروح ومع مين ووين المكان وإذا طلع الله لايوريكم أتجنن من الوسوسه أتخيل من يوم يمشي لحد مايرجع إن الدنيا كلها حريم وإنه يناظرهم.. شي شي موطبيعي مع إنه ياروحي حبيب جدا وطيب وحنون لأبعد الحدود ويموت فيني ويعشقني بجنون ماشاءالله تبارك الله.. لكن مؤخرا تغير جدا وصار بكره الجلسه معي ودائما يكرر على لسانه الطلاق والإنفصال والحياه نكد والعيش معك تنقص العمر.. والله والله والله ماألومه أنا عارفه غلطي وأحاول أتغير كم يوم لحد أسبوع وبعدها أرجع أسوأ. تكفون تكفون ساعدوني طلبتكم
