كيف الحل مع امي الله يعطيها العافيه وطوله العمر والبال

السلام عليكم ورحمه الله
بصراحه ماعرف كيف ابتدي
لكن طامعه بمشورتكم ودعواتكم
اعيش مع والدتي بعد وفاه والدي
امي امراه كبيره بالعمل الله يعافيها ويعطيها طوله العمر على طاعته
من سنين بدات مشكله امي مع العاملات
يوميا نكد ومشاكل اجي بعد يوم مرهق وطويل من العمل القى امي تعطيني بالتفصيل العامله سوت العامله حطت العامله قالت العامله ماتطبخ زين المشكله العامله مش انا الي اخترتها ولا ترضى اوجهها او انصححها بس كذا تبي تشكي منها ولا تبي تسرحها وتجيب غيرها ويوميا صبح وليل ونهار ومسا سوالفها عن العامله وشكوى واتهام مبطن ان انتي ماسنعتيها وهي اصلا ماتعطيني الصلاحيه واحيانا اصرخ على العامله واحيانا اسكت لكن تعبت يابنات من النكد اليومي تعبت خاصه ايام الدوره عندي مرض وانزف بشده واكون وسط ضغط شغل واتعب نفسيا وانفجر
اخر انفجار امس قلت ماتبغينيها وديها ولا تقعدي تزني فوق راسي ، بنات تزن ترن تزن انحاش تلحقني تحش فيها تعبت والله من الموضوع ضغط على نفسيتي كثير صدعت وتعبت ركذا مره ينبط بعيني عرق يمكن ضغط
ماتستوعب لما اقول كافي صرت اكره الجلسه وايدي على قلبي لا تفتح موضوع الشغاله
انا انسانه كتومه عندي مشاكل شغل مشاكل صحيه مع هذا اكتم ولا اقول لها وياليتني سالمه اي مشكله تجي تحطها باذني اخوك صار له عياله عنده اختبارات واخواني عايشين حياتهم بس يفضفوازلها وهي تنكد علي
ادري كبار السن متعبين لكن انا تعبت صراحه
ان قلت لها خلاص لا تشتكين تبغين اوديها واجيب لك غيرها ازعلت ومالك شغل بعاملتي
تبغى بس تزن طول اليوم والليل بنفس الموضوع
والحين زعلانه علي لاني قلت خلاص وديها واعتقينا من المشاكل قالت انتي قليله ادب وماتربتيتي
انا انسان وصلت لعمر صديقاتي زرجوا عيالهم
وانا قاعده بسبب النصيب وقضاء الله ثم خيارات اهلي الخاطئه فيني مع هذا مااشتكيت
من حقي اعيش حياه هاديه
مو معقوله سوالفها الحلوه وضحكها لعيالها واحفادهم وانا حماله الاسيه
دعواتكم لامي ان الله يشرح صدرهاً