أيهم أخف عند المراة يروح زوجها للحرام ولا يمنعها من اهلها

لا أهلي و لا بمجتمعي كله يفرضوا علينا شيئ كل واحد حر بإتخاد قرارات تخص حياته 

والطلاق ماهو عيب بالعكس يوقفوا مع بنتهم ويسندوها ويحترموا إختيارها وما يستعروا منها وما يحسوها ثقيله عليهم البيت بيتها 

 الحمد لله على هذه النعمه

اصدق
لان مو كل انسان على هذا الكوكب يستخدم الشي اللي داخل جمجمته ولان مو كل البشر نسخه مكرره عن بعضهم في مستوى الثقافه والوعي وتقدير الذات واحترامها

اهلي خط احمر وماعاش من يمنعني عنهم ولاله اي علاقه انك تروحين لااهلك خلاص بيروح لعلاقات غير شرعيه مخك مضروب لو يبي علاقات محرمه يلقاها وزوجته جنبه بلا فلسفه البلا فيه هو مافيه خوف من الله وضعيف ايمان
الحل ابسط مما تتصورين يبي علاقات محرمه بسلامته هو ومخه ودينه وان مالقيت حل معه ومافاد اي شي ابد يافلان حنا مانصلح لبعض مع السلامه واشيل عفشي ولبيت اهلي والحمدلله
الزم ماعلي نفسي وصحتي وراحتي وين وبس
وبالاخير انا مو خسرانه شي هو الخسران وحسابه عند الله ماوقفت الدنيا على اي احد

بس انتي تبينا نوافقك بكلامك نقطع اهلنا وجبتي شي حرمه الله وانتي تعرفين انه ماله دخل
وخذي الجواب
بيت اهلي بيت اهلي بيت اهلي

يلا اتحفينا بخيار اردى منه يالعبقريه

انزين نغير السؤال
وين الاهون على قلبك ان زوجك يقول الزيارة لاهلك بس مرة كل شهرين ولا يتزوج عليك ثانية

لا اهلي اسبوعيا كل جمعه اذا كانت دراسه بالعطله كل ٣ ايام يبي اهلا وسهلا مايبي بسلامته يروح يحرمني شهرين من امي وهي قريبه مني ليه ؟؟
مو من حقه بقول اذلف عقليتك خايسه تشجع على قطيعه الرحم وانا ماابي ادخل النار على حسابك ولاطاعه لمخلوق في معصية الخالق رح خذ لك وحده تصير لك عبده واحبسها عندك
برضو اهلي لان الاهل اذا راحو مافي بديل لهم لاام ولااب ولااخوان لكن زوج بداله مليون
يلا دوري شي غيرها 
تحسبني بقول بقعد عنده لايتزوج هذي انتي ياحلوه انا لا نفسي عزيزه مااراكض وراه  اللي يبيعني عشان اهلي ويتفرعن ويقلل احترامه لي ومسوي فيها انا رجال ويهايط ماابيه  ابيعه بتراب فهمتي ولااعيد ؟

الحمدلله ربي رازقني زوج يخاف الله لو اقعد اسبوعين ماشفت امي هو اللي يقول بنفسه روحي وناموا عندها ونسوها وانا اللي ارفض النوم يكون بعلمك وماعمره منعني عنها ابد بالعكس ينصح بصلة الرحم دايم روحي لااهلك سلمي على عمتك وروحي لخالاتك رجال عاقل وفاهم دينه وشرع ربي 

فخلي الناس بحالها لاتاخذين بذنبهم وتشجعينهم على قطع الرحم وانشغلي بنفسك وانحبسي ببيتك لحالك وخلصنا