تمنيت ولد وصار بنت

السلام عليكم ورحمة الله وبركاته

القصة من عنوانها من حملت وانا اقول حامل بولد ، احلامي واحلام غيري كلها تقول ولد ، تعشمت بالولد مررره خاصه اني امووووت عالاولاد اعشقهم عشق ، عندي بنت بالمتوسط وولد عمره ٤ سنين والله العظيم ماحسيت بالامومة الا مع ولدي جبته وكانه حلم من الفرحة مانمت يومين ، وكنت ابي اخو لولدي وللاسف قالوا لي بنت وواضح بالسونار انها بنت مليار بالمية مافي مجال للغلط والشك ، والله من يوم قالوا لي بنت وانا مصدووووووومة وراسي صدّع حتى مارجعت ادخل عالدكتوره مره ثانيه عشان تقولي النتايج رجعت للبيت وانا اصيح وقعدت ٣ ايام اصيح وافكر حرفيا تقل عزا عندي ، انا ماحب البنات ولا اميل لملابسهم وخرابيطهم لاتجي وحده تتفلسف علي وتقولي بنت سليمة ولا ولد مشوه هالكلام اللي مو في محلّه ابد، صح اني احب بنتي الكبيرة وارحمها بس مابي غيرها مكتفية فيها ، واتمنى حملي هذا مايتم مابي بنت وزوجي برضو مايبي بس ماوضح لي المسكين وقالي المره الجاية بنسوي عملية تحديد جنس الجنين! وانا بصراحه تعبت مافيني احمل ظروفي الصحية ماتسمح ، وهالبنت اللي في بطني مابيها ولا فرحت فيها ابد بالعكس زاد تعلقي بولدي مره وصرت اخاف عليه من نسمة الهوا واحس انه معجزة الاهية وتحققت لي ، احيانا اقول ليش ربي كتبها لي وانا اميل للاولاد واحبهم دخلت بالتسخط وعدم الرضا الله لايعاقبني وتمنيت هالحمل مايتم !