ساعدوني بنصيحة نفسيتي مدمرة

السلام عليكم قصتي طويلة وهيي كالتالي
انا من سوريا وبسبب الحرب اجيت اقمت بتركيا بمنطقة ع الحدود و اتزوجت بعدها ع اسطنبول كنت عايشة حياة مستقرة زوجي مهتم فيني كان كتير وانا وياه لوحدنا مالنا غير بعض وحامل باول طفل وبلشت الشهر التاسع اجت والدتي واختي لاسطنبول ليكونو جنبي بولادتي وبعدا انزل معهم لمنطقة سكنهم
جهزولي ببيتهم ضيافة وتوزيعات وزينة وديارة للبيبي وعدة حفلة استقبال المولود والاتفاق اولد باسطنبول وانزل نفاسي والمباركة عند اهلي بحكم هنيك كل اهليتي ورفقاتي
تاني يوم من وصول امي واختي بالليل بفيق ع صريخ والدتي انو صار زلزال بمنطقة اهلي وماعم تحسن توصل لابوي واخوتي وخالاتي وبعد ساعتين اخدنا خبر انهم بخير بعد ماطالعوهم من تحت الانقاض وبقيو اقارب زوجي بيت عمه تحت الانقاض لاتوفو كلهم ماحدا حسن يطالعهم وهون من رعبتي ارتفع ضغطي واجاني تسمم حمل وولدت قيصرية مستعجلة والكل نفسيته تعبانة كانت كتير من الرعب اللي صار واجو اخوتي الباقي وابوي اللي نجو بالزلزال وقعدنا سوا
اهلي خسرو كلشي بالزلزال بيتهم والعفش وسيارتهم وكلشي بيملكوه طلعو بتيابهم اللي عليهم ومضى 5 شهور ع الزالزال ووضعهم لورا ماحسنو يأمنو ولاشي يعيشو منو ابوي وامي كبار بالعمر واخواتي عم يشتغلو بس شغلهم مابعيشهم لانو صار غلا فاحش بعد الزلزال ومالهم مكان يروحوله وباقي كان عنا دكان وبيت بسوريا فوق بعض فقرر بابا يبيعهم ويهاجر لاوروبا تهريب من تركيا والفاجعة اللي صارت انو انقصف اليوم بيتنا والمحل من عصابات الاسد وماتم حيلتهم ولاشي مصابهم كبير كتير بعد ماكانو عايشين بعز الكل بيحلم فيه خسرو كلشي وماتملهم غير رحمة الله والمصيبة الاكبر انو زوجي بلش يتذمر من وجودهم عنا ومشاكل عطول انا وياه من اجو اهلي وحاسة رايحين لطلاق قريبا وانا تعبت قلبي عم يحترق ع اهلي وكيف جار الزمن عليهم وارتمو مالهم مكان يروحوله وحاقدة ع زوجي كيف عم يتصرف وعبالي لو اتطلق منو اليوم قبل بكرى بس مابدي زيد هم اهلي فوق همومهم رح جن يابنات اللي عندها نصيحة تنصحني شو سوي او دعاء مجرب لتفريج الهموم تكتبلي ياه

13 تعليق 1,980 مشاهدة

شاركي في النقاش

سجلي الدخول لإضافة تعليق.

التعليقات

13
  1. @mrym_hydry

    لاحول ولا قوة الا بالله العلي العظيم الله يصبر قلبك ياعمري ويفرج همك يارب العالمين ويكتب الخير لك ولجميع المسلمين والمسلمات
  2. @am_mlk_1_1

    بالاول الحمدلله على نجاة ابوك وخواتك من الزلزال هذه لحالها نعمه
    ومعك حق زوجك المفروض يتحمل في ضروف اجباري الواحد يتحمل ويصبر وطلبي منه يشاركك في الحل بدل مايتذمر قولي له الدنيا بتدور ويجي وقت احد يحتاجك حط في بالك بيجي يوم وتحتاج احد يعاونك الدنيا ماتدوم على حال والله يصلح بالكم يارب
    حاولوا تتواصلوا مع جهات تساعدكم
    وماتشيلي هم الله بيفرجها بلمح البصر
    وكثري من لا حول ولا قوة الا بالله العلي العظيم
  3. الله يفرج همكم يارب العالمين
    اكثري استغفار وحوقله
    كل دعاء نابع من القلب مجاب بإذن الله
    ياحي ياقيوم برحمتك استغيث اصلح لي شأني كله ولاتكلني الى نفسي طرفه عين
    حسبي الله لاإله الاهو عليه توكلت وهو رب العرش العظيم
    لااله الا انت سبحانك اني كنت من الضالمين
    الله يفرج همكم ويرزقكم ويوسع عليكم اللهم امين ياحي

تابعي تجارب أخرى من هذا القسم.