ملكتي ومشكلتي مع زوجي

ي قلبي لاتفكرين بالطلاق !!!
لانك ترا بتصيري مطلقه بدون دخول
ويصير كل من تقدم لك يسأل وش فيه وو..وو
روحي وكملي فرحك وخذي مانع شهرين ثلاثه لين تشوفين الرجال اذا عجبك كملي واذا لا انسحبي ويصير مطلقه زي الناس ذا من رايي والله يوفقك💓

وش هالتفكير الاعوج
يعني بنظرك مطلقة بدون دخول اسوأ من المطلقة بعد الزواج
اكيد اللي تتطلق وعي مملكة اسمها لسا بنت
وعادي جدا تنخطب وتتزوج
وحتى لو سألو عن سبب الطلاق عادي مااتفقو ولا ماطلع مناسب
بعكس المطلقة بعد الزواج طلاقها مو سهل
ومو بسهولة تتزوج ثاني

سؤال هو متزوج ولا وش حالته الاجتماعية
شي ثاني معليش فرق العمر كبير بينكم
يعني هل شايفة انك تستاهلي تتزوجي واحد بهالعمر
وخاصة لو كان متزوج
دا غير انه واضح ان فكره متحجر
ومن الرجال اللي يبغى زوجة بلا كلمة
هل انتي بتتحملي هالشي
او هل انتي شخصيتك قوية بحيث انك ماترضخي لأفكاره وماتتنازلي
تنسيق القاعة سويه ولا عليك فيه
مدامه مابيدفع
وقوليله امي اللي سوته من غير علمي
البيت روجي مع اخوانك واختاري عفشك بنفسك
مو كمان لا زواج على مزاجك ولا بيت على هواك

زوجته تعبانه ومريضه وموقادرة تعطيه حقه الشرعي وبخصوص الزواج هذا النصيب وربي اراد لي اني اتزوجه امابخصوص شخصيتي انا لي راي وكلمه واحب اناقش واعطي راي بس شكله راح يتعبني بالمستقبل بتحجره وعناده الا يبغى يمشي كلامه

بكل أمانة ..كونك تبين تمشين كلامك على رجال كبير ما تنفع

عمره ضعف عمرك .. و بالستين ..خلاص ما عاد يتحمل نقاشات و مجادلات

يا إنك تتقبلينه مثل ما هو ،وتحاولين باللين و المزح و الترجي ، بدون نقاشات طويلة

ولا خلاص لا تاخذينه إذا شخصيته ما تناسبك و انتي مصرة على الإقناع و الجدل

والوحدة ضروري تعرف بالضبط هي إيش تبغى من هذا الزوج ؟ عيال و أمومة خلاص تمشي حالها معاه بما يرضي الله

لكن يجيها واحد متعنت و متعصب لرأيه ، و تقاوم وتحسب انها بتغيره ، لا للأسف ،هذا شخصيته تكونت خلاص

والتغيير صعب

وللأمانة ما أشوفه سيء جداً والدليل طلب منك تجين تختارين المطبخ على ذوقـك

وكلمته إملاءات يمكن انتي أسلوبك فيه مشكلة ونتي مو حاسـة !

وحتى كلمتك لما قلتي لو ماجبت الشغالة أخوي كان بيتفاهـم معاك ، أكيد بيفهمك غلط !!

الرجال ما يحبون هالكلمة أبداًويعتبرونها تهديد

وبوضعه و عمره أكيد مارح يهتم لصالة و زفة و ديكور و كوشـة .. نهاااائي

هالشغلات آخر همه . ويعتبرها تفاهات .