هل ذي الأشياء حقيقيه ولا مجرد خزعبلات

السلام عليكم ورحمه الله وبركاتهمن كثر الناس اللي يتكلمون بالشاكرات عجزت افهم هي حقيقه ولا كذب فيه وحده بالتيك توك تقول ان شاكره الظفيره لها علاقه بالقولون و امراض السكري ومشاكل الجهاز الهضمي كله وتقول اذا تم تفعيل هذي الشاكره راح نشفى من امراض القولون والسكري وانه اي احد عنده مشكله الجهاز الهضمي معناته الشاكره مقفله وهذا خطير تقول ان كثير من الناس يجهلون الشاكرات وانها اذا تم تفعيلها شفي الأنسان من الامراض وشاكره الحلق تقول مرتبطه بالربو وامراض الصدر احد يفهمني تكفون لأني اعاني من القولون وما افادني اي علاج وش ذي الشاكرات وعلاقتها با الأمراض وتفعيل ومادري ايش مافهمت

5 تعليق 834 مشاهدة

شاركي في النقاش

سجلي الدخول لإضافة تعليق.

التعليقات

5
  1. و عليكم السلام ورحمة الله وبركاته
    انصحك نصيحه لوجه الله لا تصدقيهم لانه اغلب معلوماتهم جايبينه من الديانات البوذية و الهندوسية مثل الكارما و الشاكرا.. الخ انا اول ما اشوف اي شخص يتكلم عن الطاقه و يحط هالمصطلحات في كلامه اكنسل عليه ع طوول لانه شفت بعيني بعض الناس دخلوا بهذا المجال و طلعوا منه و هم شاكين في اساسيات الدين
  2. الشاكرات عبارة عن مراكز طاقة فالجسم وكل مركز متعلق باعضاء او صفات معينة وله لون معين عادة استعادة توازنه تكون بالتعرض للون المناسب وبعض الاكلات والتمارين اللي تعزز هالمنطقة، هل هي حقيقية؟ محد يقدر يجزم على هالشي كونه شي غير مرئي ولا عليه دراسات او ابحاث علمية، اعتقد جذوره دينية ناس جربت وتقول صح وناس تقول خطأ، بالنسبة للقولون دلالته النفسية هو الخوف والتشبث بالماضي، يعني ممكن تكونين متمسكة بجزء من ماضيج وخايفة تتخلين عنه او خايفة من المستقبل او عندج افكار قديمة تحتاج انج تغيرينها، ومب شرط يكون عندج سبب نفسي من الاساس ممكن السبب عضوي بحت
  3. @askryma

    مجرد خزعبلات
    بالنسبة للقولون اذا كان عندك قولون هضمي فانتي طبيبة نفسك
    اي أكلة تهيج القولون ابعدي عنها
    و هناك القولون العصبي و هو نتيجة التوتر و الانفعالات و الضغوط النفسية
    و طبعا لازم تبعدي عنها
    الله يشفيك و يعافيك
  4. @ghym_ngd_1

    أختي انتبهي الله يحفظك..
    ألزم ماعلى المسلم عقيدته
    فيه ناس انجرفوا بهذا المجال وتردى حالهم لأنهم لازم يقدمون تنازلات بدينهم غير انه الشياطين صارت تأذيهم
    شوفي قناة: سحر اليوغا والطاقة في يوتوب وبتفهمين أكثر
  5. @hlawa

    يا اختي هذه الامور مافيها صح ولا غلط
    هي نوع من انواع العلاجات زي الابر الصينيه
    ناس تقول فادتها وناس تقول لا
    لكن خوف الناس من الشي اللي ما يفهوه
    يخليهم على طول يقولوا كفر ويقدح في العقيده

تابعي تجارب أخرى من هذا القسم.