الي جربت صبغة الرحم

الله يعطيك العافيه
يارب يارب احمل ياااارب عاجل غير اجل

و عليكم السلام ورحمة الله وبركاته،
انا عملتها أمس صارلي احاول احمل من سنة و نص تقريبا و كنت اراجع مع استشارية و كانت تقول ما عندي اي مشكلة انا و زوجي فكانت تتابع التبويض و قبل شهرين حملت لكن ربي ما كتب له يثبت من اول شهر و نزل. من بعدها يصادف كل ما بدات دورتي و ابغى احجز مع الدكتورة تكون اجازة، فزوجي اقترح نحرب رأي ثاني و رحنا لدكتور بندر كتبي دا الشهر و اكدلنا ان فحوصاتنا سليمة و طلب مني اشعة الصبغة.
عملتها أمس في مستشفى اية اخدت ابرتين قبلها وحدة للتقلصات و وحدة مسكن و طلعت للاشعة، اول شيء كانت فيه بنوتة سعودية كتكوتة جهزتني و صورت الحوض و بعدها دخلت دكتورة مصرية و بدأت شغلها، كل شيء كان تمام بس لما بدأت تدخل الصبغة كان فيه الم زي الدورة و تعرفو اول يوم دورة كمان يكون عندك احساس بالقرف و الغثيان كان دا الاحساس موجود بس مضاعف و مرة تعبني، بس عموما الاجراء و الاحساس دا ما عدى عليه اكتر من دقيقتين و خلصنا بعدها بس رجعو صورو الحوض، و الحمدلله كل شيء سليم على قولتهم.
ما اقولك تجربة عادية و ما تحسي بشيء لا صراحة تجربة مو حلوة لكن الالم فيها هين و تعدي بسرعة، حاولي تكوني مروقة و هادية و تسترخي قد ما تقدري انا اخدت شاور حلو قبل ما اروح و حطيت عطر احبه و لبست لبس مريح و حاولت اريح نفسي قد ما اقدر قبلها.
و الله يكتبلنا جميعا الذرية الطيبة. 🌸

ي عمري حاسه فيك بس لا يغلبك الشيطان و تذكري ان الله على كل شي قدير اذا اراد قال كن فيكون لو تسكرت بوجهك كل الأبواب وربي كاتب لك رزق بتاخذينه خلي إيمانك بربك قوي و الله أكبر من كل هم و حزن و عجز و يأس و دائما الخيره فيما اختاره الله اختيارات الله لنا هي الأفضل من اي رغبه و شعور و امنيه تمنيناها و الحمدالله على كل حال دائما و أبدا 🌷🌷🌷

بالنسبه لي كملت سنه و نص تقريبا و إلى الآن ما ربي كتب و راضيه باللي ربي كاتبه و ترى النفسيه لها دور كبير في موضوع الحمل لا تركزين و عيشي حياتك و اذا مكتوب لك بتحملين الحين ولا بعدين و تقبلي مروري 🤍🤍🤍