تعرفون منو هووو زوجي الله يرحمه ..
متوفي من سنه وانا لليوم مب مصدقه ...
تدرون بنات اشتقت له واااااااااااااااااايد
بنات خاطري بس دقيقه اشوف ويهه الله يخليكم ..
خاطري أشم ريحته ..
خاطري اسمع بس نصخه ..
خاطري اشوف عيونه ..
اشتقت لصوته واااايد واااايد والله ...
اشتقت لسوالفه لضحكه ..
حتى لعصبيته اشتقت .. ما عليه خل يزعلني خل يسبني خل يضربني انا راضيه
بس اشوفه دقيقه ..
من اتوفى يا بنات احاول اتذكر شي واحد بس مب زين فيه ابدا ما حصلت مع انه يوم كان عايش كنت حاطه بلا الدنيا عليه ..
صدقوني والله العظيم يا بنات دورت ما حصلت ولا شي ..
كل شي اتذكره زين ...
أكثر شي يغمضني انه ما يحب حد يزعلني ويعرف من صوتي اذا اتضايقت ..
ما يدري اليوم انه فراقه هو سبب زعلي وضيقي
اااااااااااااااه يا بنات انا ادري انا ما يرضى على زعلي ولو بيده جان رد عشان لا اتضايج ...
ما ادري ليش كتبت هالموضوع يمكن عشان كل وحده منكم تحس بقيمة زوجها ..
والله ندمت على كل لحظه كان وياي بها وماعطيته حقه وقيمته مهما كان مقصر معاي ..
والله ما ادري شو اقولكم بنات عشان خاطري اتحملوو على ازواجكم ..
بنات عادي خل يزعلوكم عادي بس اهم شي هم عايشين وياكم ..
الله لا يفرقكم عن غالي :(
شاركي في النقاش
سجلي الدخول لإضافة تعليق.
التعليقات
148- الله يرحمه ويغفر له ويجمعك معه في جناته قولي امين
- الله يرحمه وجعله في الفردوس الاعلى ويجمعك به في الجنه
الله يصبرك ويهون مصبتك وياجرك في مصبتك ويخلفك خيرا منها اللهم امين - الله يرحمه يا رب
والله يوفقج ان شالله وتطلعين من حالة الحزن
الله يعوضج ان شالله - الله يرحمه ويغفر له
والله حزنتيني اقرا كلامك وانا ابكي
عندك عيال - يزاكم الله خير :(
هيه عندي عيال اختي
مواضيع مشابهة
تابعي تجارب أخرى من هذا القسم.