زوجي ضربني

  • السلام عليكم بنات تكفون عندي مشكله زوجي امس ضربني علي وجهي ضرب قوي لدرجه سني انكسر وضرب ابني عمره ٩ سنوات رفسه وضرب علي وجهه المشكله هي مشاكل متراكمه مع زوجي عاطل عن العمل له سنتين وجالسه في البدايه عند اهلي ولا يدري عني ولا عن عياله ولا مصروف بالعكس يجي ياخذ مني غصب اذا امي عطني فلوس وانا والله محتاجه للريال أبنائي فصلهم من المدرسه صف ثالث ابتدائي بسبب انه ماعنده سيارة سيارته خربانه السنه اللي راحت السنه ذي رحت المدرسه ما قبلتهم المدرسه ولا الاشراف يعني سنتين بتروح على عيالي بدون دراسه قالي عادي درسيهم في البيت ولا هو راضي يروح حتي ياخذ لهم كتب ولا حتي يحاول في الاشراف انه يسجلهم وانا مابدي شي اسويه ماعنده احد يوقف معاي وقبل شهرين جابني عند أهله جالسه في المجلس مع عيالي وهو طول وقته في الديوانيه مااشوف بس وقت النوم او بس ينفذ طالبات اهله مشاوريهم يوميا وانا اقسم بالله جالسه بالبيت حتي مستشفى تعبت ولا حتي وداني يقول ماعندي فلوس يقدر ياخذ من أمه بس مايبغي مخليني في فقط عنده اهله خدامه اطبخ لهم واغسل صحونهم وحتي عيالي بس يشغلونهم
  • سالفه الضرب انا قايله لزوجي عيالي ماينزل الزباله )وانتو بكرامه
  • اخر الليل فهو كل مره يعاندني ويخليهم متعمد ينزلونها في الظهر في الشمس او بالليل وانا والله اخاف عليهم غير انها ثقيله امس يبغي طفلي اللي عمره ٩ ينزل الزباله
  • انا رفضت ومسكت ابني عندي قلت لا جا سحب ابني وضربه ضرب ورفسه والولد يصيح وانا ماسكته جلس يضربني وأمه تسمع ولا حتي سوت شي وبالاخير غصبه ينزلها وهو يصيح
  • تكفون قول وش اسوي بلغت عليه العنف الاسري امس بس بعدين ألغيت البلاغ خفت تكبر ويضربني اكثر

31 تعليق 9,003 مشاهدة

شاركي في النقاش

سجلي الدخول لإضافة تعليق.

التعليقات

31
  1. @aaoatf_trky_2

    وعليكم السلام ورحمة الله وبركاته

    رغم اعتراضي ورفضي الشديد لاسلوب الضرب الهمجي اللي سواه زوجك إلا اني اشوف انك تتحملين جزء كبير من السبب والمسؤليه في اللي صار لك ولولدك
    يعني بالله عليك وش راح يضرك لو تركتي الأب يمارس دوره ومسؤليته التربويه مع ولده ويطلب منه يساعدكم ويرمي الاكياس برا ؟!
    ليش تبين شورك ورأيك هو اللي يمشي ومهمشه شور ورأي زوجك ؟!
    والولد مو صغير على مثل هذي المساعده ماشاء الله عمره 9 سنوات يعني لازم يتعلم يساعد ويعرف دوره كرجال في هذي الحياه ولا شكلك تبينه يطلع بلا مسؤليه ونعومي ومهزوز وكل شي يخاف منه بحجة انك خايفه عليه ينزل خطوتين عن باب البيت يرمي الكيس ويرجع
    ومسألة ان زوجك عاطل هذي لحالها مشكله مالها أي علاقه باللي سبق ولا تعتبر عذر تحطينه بوسط المشكله اللي صارت
    وحتى سالفة انك تعطين زوجك فلوس ترى انتي المسؤله لانه مستحيل يقدر ياخذ منك فلوس الا اذا انتي علمتيه واعطيتيه برضاك تحت أي نقطة ضعف كنتي فيها يعني النتيجه انتي المسؤله عن ضياع مالك
    وموضوع العطاله بحد ذاتها زوجك المسؤل عنها خليه يبحث عن وظيفه ولا يتكاسل ولا يتكل على الاخرين لان الناس ممكن يعطون ويساعدون مره ومرتين وثلاثه بعدين خلاص راح يمتنعون
    كذلك انتي اذا اهلك تعاطفو معك واعطوك فلوس لا تعلمين زوجك ولا يشوفها ولا يشم ريحتها لانه راح يتعود ان اهلك يعطونك وهو يمشيها من مصروف اهله ويبقى لاخر عمره عاطل
  2. @emaan_abduallh

    صاحبة الموضوع
    عواطف تركي .
    وعليكم السلام ورحمة الله وبركاته رغم اعتراضي ورفضي الشديد لاسلوب الضرب الهمجي اللي سواه زوجك إلا اني اشوف انك تتحملين جزء كبير من السبب والمسؤليه في اللي صار لك ولولدك يعني بالله عليك وش راح يضرك لو تركتي الأب يمارس دوره ومسؤليته التربويه…
    اول شي اختي اشكرك على الرد
    ثانيا انتي قلتي اني ابغى عيالي مايحترمون ابوهم بالعكس هو دايم اي كلمه اقوله لعيالي يقول لا تسمعون كلام امكم وبعدين انتي ترضين انو عيالك يخرجون الشارع لحالهم اخر الليل انا اعترضت على الوقت انا وحده اخاف ع عيالي ينزلون لحالهم
  3. @hano_2_1

    رسولنا الكريم صلى الله عليه وسلم كانت من اخر وصاياه النساء و ربنا سبحانه وتعالى ما يرضى حتى حزنها
    انا اقول لو احد من أهلك عاقل فاهم تقولين له عن كل هذي الاشياء ويأخذ لك حقك لأن احنا ما راح ننفعك بحاجه
  4. @noor124

    اطلبي انك تطلعين لشقه لحالكم

    وانه يدور وظيفه يشتغل

    ويجلس معك

    مدام امه سمعت واهله دروا

    صعدي الموضوع واطلعي من البيت لبيت اهلك

    وبلغي عند اهلك

    لان تصرفه همجيه يستقوى عليك
  5. @jana_n_1

    يا اختي ليه هالضعف
    مستغلك و ياخذ الي بيدك و رايحة معه ..
    شنو الحلول الي حاولتيها قبل ؟
    ظروفك بالضبط
    عشان نقدر ننصحك

تابعي تجارب أخرى من هذا القسم.