عرووس والعلاقه الخاصه مشكله !!!

السلام عليكم
عندي مشكله وابغاكم تعذورني عالجرأه لكن يعلم الله موعارفه مين استشير انا عروس ماكملت زواج لي شهرين اوشهرين ونص
اتزوجت وتمت العلاقه والحمدلله الا ان لاحظت ان زوجي يفقد الانتصاب بالعلاقه يعني يكون الذكر منتصب وكل شي تمام لحد مايجي موضوع الايلاج ولايقدر يولج  ويناام الذكر فجاه  وتكرر الموضوع هذا تقريبا لنا قوق الاسبوعين ونفس الكلام مع العلم انه ذكرة ينتصب وفجاه مجرد مايجي يجامعني ينااام فجاه ولايتمم الموضوع 
انا قلت ممكن من قله النوم لاني لاحظت عليه يجيه ارق وامس جلست معه وحاولت احتويه واستوعبه جلس يقول لي ان نفسيته تعباانه ويعاني من قلق وتفكير وقله نووم فاناا اتوقع ان هذا هوالسبب انتم وش رايكم مع العلم ان عمره بال٥٠ وانا عمري ٣٣ ولاادري صراحه لمين الجئ بعدالله وهوقال لي انه قلقان جدا من الموضوع هذا وانه ممكن يهدم العلاقه الزوجيه لوماتم الجماع وقالي انا قلقان وافكر عشانك انتي صغيره وتبين تجيبين اطفال اكيد ويقول انا ماعلي اناعندي عيال والحمدلله بس كل تفكيري عشانك انتي وبعدها جلست اطمن فيه واقوله انه راح يتم الموضوع باذن الله وان ماتم اليوم بيتم بكرة وان ماتم بكرة بيتم بعد شهر وجلس يقول لي لو بااسوؤء الاحوال نسوي اطفال انابيب هذي باسوؤء الاحوال وباذن الله ان ربي مايحوجنا لهذا الشيء
انتم وش رايكم ي اخواتي وش ممكن يكون السبب هل بسبب قله النوم والقلق اوبسبب السمنه لان وزن زوجي زايد شويتين اوش السبب ؟ مع العلم انه اتفق معاي اننا مانفكر بالعلاقه الابعد ماتجي دورتي واطهر منها علماانها راح تجيني الدورة بعد ١٤ يوم ومع ايام ادورة راح اكون كملت ال١٦ يوم ويقول نجرب واذا مانجحنا نتوجه لدكتور اودكتورة لمن اقترح علي هذا الاقتراح استغربت منه ولاسالته ليش التاجيل ١٦ يوم ولاحبيت اجادله لكن وش تتوقعون ليش قال لي كذا ؟!
هذا غير السؤال الاهم هل اطفال الانابيب عمليه ناجحه ولالا؟ والسؤال الاهم لوكنتو مكاني وش تسوون وهل لو واحده منكم مرت بمشكله زي مشكلتي وش تسوي؟!