محتاره وقلت مالي من بعد الله الا حوائيات يفيدوني

شوفي انا كنت اتعالج واولد بمستشفيات خاصة
وكنت اتنوم واراجع مع امي الله يرحمها بمستشفيات حكومية
من خلال مقارنتي الممرضة السعودية بالمستشفيات الحكومية مافي زيها متعاونة وخدومة وقلبهم واسع
والله احيانا كثير اقول كيف يتحملو
يعني انا احس لو بمكانهم اقرف في بعض المواقف والحالات
لكن هم للأمانة والله انهم كانو يقومو بواجبهم على اكمل وجه
بعكس الممرضات الأجنبيات وخاصة اللي مايكونو فلبينيات اخلاقهم خايسة تقولي قاعدة ببيت ابوها
وبالمقابل الممرضات السعوديات بالمستشفيات الخاصة التمريض بجهة وهم بجهة
صراحة ابدا عكس اللي بالحكومي وماتعرف كوعها من بوعها وشغلهم لك عليه
بعكس الفلبينيات رائعات وخدومات
وتخدمك وتهتم وتقوم بيك

ايه سهل احيانا يتجمعون ثلاث ويالله يدقون ابره. مرتين صرخت عليهم قلت تكفون اذا ماتعرفون نادوا الفلبينيه ونادتها. الواحد يدرس ذا التخصص بذمه وضمير ولا يرتاح المريض فوق مرضه يدخلون الابره عشرين مره عشان تضبط.

الله يجزاهم خير لأن زي ماقلت فيه من تخاف الله وتخدم بضمير.
والقطاع الخاص دايم يشددون عليه وأي شكوى او ملاحظه ياخذونها بعين الإعتبار عشان السمعه والزباين.
تمريض الحكومي هو الي جربته أكثر في ولاداتي وفي الأشعه وكل شي وهو الي تكلمت عن تجربتي فيه.
الخاص سويت عمليه تجميليه فيه وكان التمريض اجنبي..
فالتمريض هو أكثر مهنه إنسانيه تحتاج رحمه وعطف.

احتاجت بنتي تحليل دم ووديتها خاص كانت الممرضه عربيه حاولت ٣ مرات ولا عرفت وأنا مدري وش جاني وسكت وخليتها تعذب البنت كذى!
يمكن كنت مشغوله بتعبها!
المهم هي بنفسها نادت ممرضه فلبينيه وفي ثواني سحبت الدم.
الحكومي الي اتعالج فيه موظفات المختبر سعوديات وماشاء الله إحترافيه وسرعه حتى أثر نزف ما فيه.

عشان صارو معظم البنات ك اللي يدخلو تمريض يدخلوه
عشان الوظيفة والراتب
فتلاقي اخر همها تتعلم مظبوط وتتقن عملها