تشوفون الغلط من مين اكثر

السلام عليكم ورحمه الله وبركاته
موقف صار قبل اسبوعين انا وبنت خالتي زي الأخوات نطلع احينا سواء يجون عندنا نروح عندهم هم ساكنين بنفس الحي اللي حنا فيه اتفقنا انا وبنت خالتي وصديقات بنت خالتي وصديقاتهم يعني ما اعرفهم بس بنت خالتي تعرفهم اننا ناخذ استراحه من بعد العصر لين الساعه 10 بالليل المهم طبعاً بنت خالتي عمرها 37 سنه ماجاها نصيب المهم عندها مشروع بسم الله ماشاء الله يدخل مبالغ حلوه وناجحه جداً بمشروعها الله يحفظها ويرزقها المهم كنا قاعدين نسولف ونضحك قالت بنت خالتي ان ابوها معد صار يعطيها فلوس مثل قبل يوم فتحت مشروعها وقالت برضه شكلي بأخذ بطاقته البنكيه واسرق فلوسه اللي بالبنك كلها وتضحك وكلنا ضحكنا البنت واضح تمزح ردت وحده صديقه صديقه بنت خالتي وقالت 😲 المفروض تعطينه انتي فلوس مايكفي انك قاعده على قلبه طول ذا السنين يا العانس ياللي محد طل بوجهك شوفي اللي كبرك عندهم عيال يالعجوز طبعاً كلنا استغربنا وصار وجهنا كذا 🤔 البنت ذي اللي تهاوش عندها 3 بنات ماتخاف بيوم من الايام محد يخطبهم معليش يا اخواتي بس هذا الموقف ما أتمناه حتى لعدوتي عيب عيب طبعاً شالت عبايتها وراحت ما اخفي عليكم وجه بنت خالتي واضح انها تأثرت:
تشوفون الغلط على مين بالنسبه لي اشوفهم كلهم غلطانين بنت خالتي المفروض ماتتكلم بذا الطريقه قدام اشخاص غرباء حتى لو تعرفهم معرفه بعيده وحتى لو كانو صديقاتها الناس مو كلهم يعرفون المزح بعضهم يتحسسون من ذا الكلام وبنفس الوقت: ذيك برضه غلطانه لأن الأنسانه اللي تخاف الله ماتضحك وتتنمر على اقدار الله عندها بنات ممكن بيوم من الايام محد يطل بوجههم اسوء موقف صار قدامي قسم بالله

10 تعليق 1,281 مشاهدة

شاركي في النقاش

سجلي الدخول لإضافة تعليق.

التعليقات

10
  1. @brnsys12

    معقوله ؟
    كيف غريبه وتقول للبنت كذا واصلا كيف عرفت عمرها وهي غريبه تصير صديقة صديقتها
    وايش بينهم يوم هزاتها كذا هذا يعتبر تهزىء اكيد صار بينهم كلام قبله وهوشه
  2. @aaoatf_trky_2

    معليش بس ما اشوف ان بنت خالتك غلطت بشي يوم تكلمت عن نفسها ووضعها ان ابوها ماصار يعطيها فلوس يوم سوت مشروع هذي سالفه عاديه وحتى هي نفسها ضحكت عليها
    لكن الحرمه الثانيه من حر الغيره اللي تحس فيها قامت تستفرغ كلام مثل السم والغلط راكبها من راسها لرجولها لان اللي قالته وقاحه وقلة ادب
    واذا بنت خالتك حياتها متعطله وامورها متعرقله هذا هي الحين عرفت شخص حاسدها علناً
  3. @drobmzhrah90

    صاحبة الموضوع
    عواطف تركي .
    معليش بس ما اشوف ان بنت خالتك غلطت بشي يوم تكلمت عن نفسها ووضعها ان ابوها ماصار يعطيها فلوس يوم سوت مشروع هذي سالفه عاديه وحتى هي نفسها ضحكت عليها لكن الحرمه الثانيه من حر الغيره اللي تحس فيها قامت تستفرغ كلام مثل السم والغلط راكبها من راس…
    والله يا عواطف صح كلامك لاكن في النهايه المفروض بنت خالتي الله يحفظها ماتسولف وتعطي الناس وجه بزياده عن اللزوم مهما كان والبنت ذيك وقحه بشكل مخيف جداً
  4. @drobmzhrah90

    صاحبة الموضوع
    برنسيسة12
    معقوله ؟ كيف غريبه وتقول للبنت كذا واصلا كيف عرفت عمرها وهي غريبه تصير صديقة صديقتها وايش بينهم يوم هزاتها كذا هذا يعتبر تهزىء اكيد صار بينهم كلام قبله وهوشه
    هم على ما اعتقد بنت خالتي والبنت ذيك يعرفون بعض من بعيد لبعيد بس واكيد تعرف عمرها من صديقتها

تابعي تجارب أخرى من هذا القسم.