عندي ترجيع اجنه مجمده ولكن..

مافي فائده ؟والله اني اكتئبت لانه من شهر ١ وانا احاول اسويها وتعسرت والان تيسرت بس بالنهايه 😭الحمدلله يارب على كل حال والحمدلله على قدرك وقضائك

الله يكتب لك الخير وين ما كنت ويرضيك به . قد صارت معاي في دورة ودي ارجع مجمد وماتيسرت وزعلت جدا لان التبويض تأخر والبطانه ماكانت كويسه والشهر اللي بعده راجعت مع ثاني يوم دورة وتابعت معها عطتني تنشيط خفيف فيمارا والحمدلله زانت التبويض والبطانه وحملت

وباذن الله الفال لك

نزل لي دم والدكتور قال هذي مو دوره بس البطانه فاسده وتعالي الدوره الجايه وماعرف تلخبطت جداً

هلا وسهلا اختي ، لاتتحطمين الله يسعدك ويجبر قلبك جبر يليق باسمه الجبار .
اسمعي مني يا اختي وخذي بكلامي فأنا لك ناصحة من تجربة.
لاتخلين الرغبة بالانجاب تحوس نفسيتك وتتعبك فإني اقسم لك بالله ان النفسية سبب من نجاح العلاج وثبات الحمل .الله أمرنا بالتفاؤل ويقول انا عند ظن عبدي ونهانا عن الاعتراض والأهم انه لابد نستوعب ان مايجينا من الله الا الافضل لنا لكننا جاهلين.
.
اسمعيني ترى مو شرط بطانة الرحم تضبط هالشهر ، بحكي لك تجربتي المشابهة لتجربتك هذي
انا مرة سحبت وسويت تلقيح وثم قالوا البطانه ضعيفة مرة مانقدر نرجع الاجنه والبطانه ضعيفة فجمدوهم لي ، جا بعد شهر عطوني منشطات بسيطة ومدري وش عطوني معها قالوا لازم نهيأ الرحم لاستقبال الجنين ويكون كنه الحين مسحوب قلت تمام وتوكلت على الله ومشيت عالخطة وزادوا لي الوقت مثلك لأنه البطانه ماوصلت للمقاس ٨ … المهم ياطويلة العمر وقالوا ترى البطانه مازالت ضعيفة مع اني اخذت الادوية وتعبتني ووقت الادوية تنشطت عندي البويضات سبحان الله لكن قالوا الحل خلاص اننا ناجل قلت تمام ومشيت ورجعت وكم يوم ونزلت الدورة . ثم جلست شهريناو ثلاثة ناسية ولله كم بالضبط قلت مابي ارجع الحين ابي جسمي يرتاح شوي وبالاخير مالي غير الرزق المكتوب ، وفعلا ارتحت وسافرت وتمشيت قلت اغير من نفسيتي والحمد لله جا الشهر اللي قررت ارجع مرة ثالثة ورحت وقالوا يلله تمام وبديت بالبرنامج حق الارجاع وفعلا بعد الراحة وصل مقاس البطانه ٨ وتم الارجاع متأخر شوي ، وكنت اخذ ادوية تنشيط وقتها لانه يبون الرحم يتهيأ.. كنت اطلب الله دايم الخير واني اجهل الخير لي .
المهم وفعلا ارجعت وكنت خبلة بس اترقب واقول يمكن حامل الا حامل صدري وبطني ومدري كيف ، اعوذ بالله انشغلت بنفسي عن دنياي وعن اشغالي ، اشغلت فكري مرة وهذا غلط .
ومرت الايام وصرت حامل وتم الحمل لكنه ماثبت ونزل ، شوفي ارادة الله انه تصير البطانه زينه ويرجع الجنين ولكن مايكمل ، الحمد لله ربي اخذه قبل يكبر واتعلق به ،
المهم ياخيتي بيجي يوم ويثبت لاتاكلين هم ، ترى امر البطانه سهل لكن اهم شي ماتتوترين ، يوم توترت سبحان الله ما ضبطت البطانه ، فخليها على الله تمت الحمد لله وان ماتمت فتأكدي ان بالامر خير وبيجيك العوض الافضل