تقلصات

يمكنك الاتصال على مركز الاستشارات الطبية 937 للحصول على التوجيه الطبي المناسب


لابد من عمل فحص سريري واخذ التاريخ المرضي وعمل التحاليل اللازمة قبل تقييم المخاطر الطبية

قد يكون الالم امر طبيعي وتقلص كاذب يسمى براكستون هيكس يلازم الام فترة الحمل او ركلة من الجنين

دمتم بصحة وعافية

اذكر بأحد حملاتي جاني ألم شديد مرة كأنه شي بينقطع جوا بطني ،كان يجيني على أحد الجانبين وغالبا مكان اليمين من البطن قريب من المبيض .
كان الألم مرة قوي مرررة لدرجة ماتحملت ورحت للمستشفى وقالوا لي شد بالأربطة حق الرحم سبحان الله ، انه للرحم اربطة وتشد …. نسيت وش بالضبط لكن قالوا الوضع عادي انه الأربطة اللي تثبت الرحم جالسة تشد وانه بعض الحريم يجيهم ..
.
وبالمقابل مرة حسيت بألم مختلف وكان طلق وهذي الطلوق اللي تجي نعرفها اذا سبق لنا الحمل ، اللي حملنا نعرف وش ألم الطلق ونعرف انه يجي مثل التمرين ويجلس كل كم يوم يجي خفيف وثم يروح ..
عموما اذا الجنين يتحرك والألم وقف الحمد لله ، لكن أفضل تشوفين اي طريقة تروحين للمستشفى او المركز الصحي تكشفين للاطمئنان

ألم شد الأربطة مؤلم كنه شد عضل الساق ، كان يجيني بين الفخذ والبطن بالمنطقة اللي قريبة من المبيض عالجانب من البطن ، يكون مثل الشد والسكين ، ما اقدر أوصفه لكنه قوي ونقدر نميز بينه وبين ألم الطلق …
والبعض يجيهم ألم بأسفل البطن من الالتهابات ، بس مدري لو الالتهابات تجي عالجانب بشكل شد أو لا

يعطيك العافية

ألم الطلق واحد سواء طبيعي او صناعي ، يجي مثل الشوط على محيط اخصر كامل من بطن وظهر ، أما ألم الاربطة يجي بمنطقة وحدة ، وألم الالتهاب يجي بمناطق مو مثل الطلق يسوي تغطية شاملة على وسطك وظهرك وبطنك .
تقدرين تفرقين بينهم بوضوح.

وضروري تروحين للمستشفى لأنه احنا مانقدر نفيدك بالأكيد فمافيه احد بيعلمك السبب غير الكشف الطبي