تجربتي مع التلقيح المجهري ادعو لي 🥹

ماعندي علم بس والله ماحبيت اطلع بدون ما أدعي لك
الله يسهل امرك ويرزقك بالذريه الصالحه يارب
ويجعلك تفرحي هالايام فرحت حملك وفرحة الشهر الفضيل
مطر وغيمة بدعي لك كل ماجيتي ع بالي

مرا شكرا على كلامك ودعائك لي الله يسعد قلبك 🥹

هلا ولله وسهلا ياقمر
أما يضيق صدرك(بصوت عامر حق شباب البومب)
اقسم بالله ان الوضع عادي ولاتخافين تراك طبيعية وزوجك طبيعي ، والحمد لله ماتم الحين احسن من تحملين ويموت ببطنك وثم تتعبين .
.
محدثتك شخصيا سويت الانابيب كثير ومرات كثير الاجنه ماتصير صالحة واسجد شكر لله انه فيه كشف للأجنه ويعرفون انها مشوهة ولانحمل بها
قولي الحمد لله انه شافوها قبل الارجاع .
ترى عادي التشوهات تجي للأغلب ومن ١٠ أجنه يمكن يصفى لك ٢ سليمين.
انا مرة ١٠ اجنه مدري ٩ وتخيلي ولا واحد منهم صار صالح ، اللي ماكمل انقسامات واللي داون واللي انتحر ههههه..
ياشيخه اسفهلي ترى هذا طب واجتهادات ماتجي مثل الحمل الطبيعي على طول يتلقح الجنين وينشب.
لالالا
هذي تقنيات حديثة ، متخيلة انهم يحطون للاجنة ظروف من حرارة وجو عشان تعيش ، يحاولون يخلونها بمثل رحم الأم فهمتيني ..
طبيعي يكون البعض يموت ومايكمل ، هدي نفسك وجمعي مبلغ مرة ثانية واقدمي للعملية الى ماتضبط ، وتطمني تطمني مافيكم الا العافية
.
انا افضل شهر سويت انابيب كنت انا وزوجي ناخذ عسل اصلي الصباح عالريق ، وفيتامينات نسيت وش اسمها ولله، انت خليك متفاءلة وبيجي يوم وتضبط.
انا كم مرة سويت وماضبطت لكني متأكدة قريب بفرح احساسي كذا 🧡
يلله يلله بلا حزن ، لاتعطين الشيطان وجه تراه يحب يشوفنا نحزن ، العني خامسه الملعون وتعوذي منه وقومي تروشي ولو انه برد اغسلي جسمك وتعطري واحلى استشوار ولبس حلو ولو تجيبين بجامة جديدة ياسلام
ولله لاتعطين الشيطان وجه ياعمري تراه يحب يضيق صدورنا ويضحك يوم نحزن ، فبلاش تفرحينه عدو الله مفهووووم

يالله ماتعرفين كلامك جا طبطبه علي ماراح انساك الحين بالوتر الله يسعد قلبك كبشرت كلامك عشان اقراه بقية اليوم شفت موضوعك عن الفيتامينات صراحه انا الفيتامينات اللي وصفها لي الدكتور بندر اخر مرا شفت فيها فرق الاجنه كملت لليوم الخامس بصورها لك بس اهم حاجه الحليب اشربي وقت التنشيط حليب طول الوقت ومويه

ياعمري ابد اكتبوا كلكم هنا وحنا خوات لبعضنا . ياشيخه الله ياخذ الشيطان اللي يدور لنا اسباب للزعل ، ومايخلينا نستوعب ان خذي انور عادية وبسيطة وجعل مصايبنا ماتكون اكبر من كذا.

المهم انا الدكتور بندر يوم كنت معه كتب لي برقنا كير اعتقد .
وعاد بص حضرتك ههههه مع كثر الاخفاقات والاجنة اللي انتحروا افكر افكر اغبر الفيتامينات ، ايه ولله اني كرهت كل ثوبن قديم ، ودي بثيابن جديدة كود فالي يزين بها ، اقريها بصوت بدويه ههههه