خدامتي وتعاملي معها

يختي انت مكبره الموضوع من العدم.
خليها تكشر.. وش علي منها.
اهم شي نشتغل وتنظف.

سالفة النوم حدديلها الساعه الي تبينها تقوم فيها إن قامت تمام.. ماقامت خوذي الجوال منها يومين.. قوليلها النظام مايجبرك توفريلها جوال ترى.. مطلوب فقط تخلينها تكلم مره بالشهر.

زوجك ابعديه عن الموضوع..
مانفع معها تصرفك.. وديها المكتب وعلميهم

انا صرت وسطيه بالتعامل معها وتعاملي معها يميل للرسميه اكثر وصرت اعطيها كل شي بس بحدود وبكميه مناسبه وهنا ارتحت بتعاملي معها لان الطيب مايثمر فيهم ابدا ابدا واذا عاملتيها بلطف ولين تشوف انه واجب عليك وانه خضوع لها والحمدلله ماعندي اطفال عشان احطهم عندها

النت افتحيه تراها في غربه تخيلي نفسك مكانها مقطوعه عن عيالك قهرتيها طبيعي ترفع صوتها عليك  من القهر تشغلون لها النت وقت مايكون في بلدها نايمين 
ثاني شي الشغاله ماحس فيها شي غلط طالما تنظف وشغل البيت قايمه فيه 
وش دخلكم فيها ماده بوز ولا تغني وش تبون فيها تتضحك لكم وتغني خلوها تتمتم مع نفسها 
وزوجك وش دراه عنها تغسل يدها بعد الحمام ولا لا وقفيه عند حده يبطل مراقبه الشغاله
الخادمه شغلها تنظف البيت فقط اما انكم تتعاملون معاها كذا وتفصلون النت عنها وتقطعونها غلط وحرام كفايه انها متغربه
وهي تسهر ولا ماتسهر وش دخلك فيها عساها مانامت اهم شي انها تصحا في الوقت الي انتي تبغينه
والاشياء الي تتوصخ في الليل اذا صحت تنظفها مو شرط تغسلها قبل النوم
ارحميها عشان ربي يرحمك
وزوجك خليه يبطل مراقبه وماله شغل ماده بوزها ولا مبتسمه
اذا تبون مبتسمه خليه يجيب لك من المغرب العربي بتعجبه في كل شي