شاركي في النقاش

سجلي الدخول لإضافة تعليق.

التعليقات

61
  1. قصتي تشبه لقصتك تقريبا وبعدين اكتشفت انه يكلم غيري الله يسامحه 💔
  2. @aaoatf_trky_2

    Hind.
    الله يصلحك مدري ليه هاجمتيني كذا يمكن ما فهمتيني ، انا ما منعته ولا عندي اعتراض على خرجته مع اصدقاءه ولا السفر معهم ولا يحق لي امنعه ، القصد كله السهر الزايد و النوم خارج البيت
    آمين ويصلح الجميع
    بس معليش وين الهجوم اللي تتكلمين عنه ؟
    وترى ما علقت الا وانا فاهمه ان مشكلتك انه ينام برى البيت وبناء عليه كتبت تعليقي
    انتي تخيلي ان المشكله لشخص غيرك وجاوبي على نفسك وش راح يكون جوابك ؟
    وانتي عارفه ان صاحبة المشكله كلمته بالموضوع وتدخلو الاهل وما تغير شي برأيك وش الحل ؟
    تبقى تعد الساعات كل ما طلع من البيت ؟
    تحرق بأعصابها ونفسيتها كل ما طلع من البيت ؟
    ولا تتقبل الواقع وتعيش الحياه وتشيل من راسها سالفة السهر ومطاردة الزوج ؟
    احيانا في امور بالحياه تتطلب مننا نكون شوي مرنين ونوسع نظرتنا حبتين ونشوف الجانب الاخر منها
    وحتى الوقت اللي زوجك يقضيه برى البيت في الوقت الحالي فكري انك تستغلينه لنفسك وتعيدين اكتشاف قدراتك ومهاراتك وتدللينها وتحبينها
    ماتدرين بعد ما تلتهين بنفسك وتشيلين تركيزك من سهرات زواجك وش راح يتغير بحياتك مع زوجك وربما حتى هو يتغير
  3. @aaoatf_trky_2

    🇸🇦السعوديه🇸🇦
    أستغرب منكم يابنات تقولون الي يسويه عادي ومن حقه!! لا مهو من حقه ولا عادي الأسبوع دوام ولايرجع إلا الساعه ٦ وبرضه يطلع خلال الأسبوع والخميس ينام برى مايجي إلا ظهر الجمعه وفي الليل يرجع يطلع...الخ وتقولون عادي! وش بقا للزوجه من طلعه وتمشيه …
    بهذي الحياه مافي شي صح او غلط مطلق خاصة بالخلافات والمشاكل
    واذا بنتكلم من منطلق كيف احنا البشر نشوف الصوره الذهنيه للحياه الاسريه الصحيحه للازواج واللي تبرمجنا عليها ونجي نرددها على كل أسره وبيت ونطالبهم يكونون بنفس الصوره الذهنيه اللي تبرمجنا عليها راح تخرب اغلب البيوت وتتشتت الأسر
    انا تعلمت ان المشكله الوحده لها اكثر من حل حتى لو كان غير مثالي المهم انه يناسب الحاله ومعطياتها وظروفها
    واذا ترجعين تقرأين الموضوع وردود صاحبة الموضوع هي ماعندها مشكله بخروج الزوج وسهراته المتأخره هي مشكلتها فقط انه ينام خارج البيت
    ما تطرقت لاحتياجات معينه غير وجوده للنوم فقط
    وحتى قالت انه مو مقصر معاها ولا عندها معاه مشكله غير نقطة النوم بالخارج
    وهي سبق كلمته والاهل كلموه ومرت سنه ونص وماتغير شي ما اشوف انه منطق اخليها تهدر عافيتها ونفسيتها في ملاحقته اشوف انها تركز على نفسها وتسليتها على الاقل تاخذ فترة نقاهه من ملاحق سهرات الزوج مؤقتاً بعدين لكل حادث حديث ومحد يدري وش راح يتغير اذا هي شالت الموضوع من راسها
    الله يفرج عليها ويرشدها للصواب
  4. عواطف تركي .
    بهذي الحياه مافي شي صح او غلط مطلق خاصة بالخلافات والمشاكل واذا بنتكلم من منطلق كيف احنا البشر نشوف الصوره الذهنيه للحياه الاسريه الصحيحه للازواج واللي تبرمجنا عليها ونجي نرددها على كل أسره وبيت ونطالبهم يكونون بنفس الصوره الذهنيه اللي تبر…
    لاعواطف
    مهو قضية صوره ذهنيه تقليديه أو روتينيه .


    صح من حقه يطلع مع أصحابه بعد تعب اسبوع مع إن العمل فيه جمعه وسوالف..لكن خلينا نقول يطلع من مغرب الخميس للساعه وحده ثنتين..ويرجع بيته..مايكفيه؟
    الجمعات إذا زادت عن حدها والله مهي زينه.
    الزواج سكن وموده ورحمه.
    انا حطيت نفسي بمكانها وزعلت
    وش ذا الزوج الي برى دايم!
    وانتبهت يوم تقول اهم شي ينام في البيت واستغربت إن ذا الي هامها ووش وجهة نظرها في ان اهم شي ينام في البيت؟ وش بتفرق دامه بيقوم ويطلع؟

    بكره بتكون اسره
    أطفال متطلبات وواجبات عليه
    إن استمر كذى رح تتعب معاه هي وأولادها
  5. @bnt_alkoyt_34

    🇸🇦السعوديه🇸🇦
    أستغرب منكم يابنات تقولون الي يسويه عادي ومن حقه!! لا مهو من حقه ولا عادي الأسبوع دوام ولايرجع إلا الساعه ٦ وبرضه يطلع خلال الأسبوع والخميس ينام برى مايجي إلا ظهر الجمعه وفي الليل يرجع يطلع...الخ وتقولون عادي! وش بقا للزوجه من طلعه وتمشيه …
    هي ما قالت في مشكلتها بالاول انه حتى ايام الاسبوع يسهر برا
    بس قالت باخر الاسبوع وعلى ضوءه ردينا ان عادي يومين يقضيهم مع اصدقاءه وباقي الاسبوع معاكم

تابعي تجارب أخرى من هذا القسم.