اهل زوجي و عيديتهم

كيفكم … ما يبون يعيدون على الصغار .. يمكن هذا نظامهم …


لا تتشرهين على حد … الله يخليج انتي وابوها لها ومب محتاجين عيديتهم

ليش الكل فاهم انه عيديه و فلوس اولا اكره بخلهم اكره تصنعهم و تفرقتهم بيني و بين سلفتي اكره انه يضهروا للناس نحن مو مقصرين مع بنتها و كريمين معاها و هم فعايلهم السوده معاي محد سواها

خففي من زياراتك لهم وإذا زرتيهم لا تطولي عندهم
تريحي نفسك

اعذريني عالكلام اللي بقوله ...
المشكله فيك مو فيهم .
أولا : اتركي عنك المقارنه بينك و بين سلفتك بكل شئ بحياتكم و عيالكم ...
ثانيا : اتركي عنك المقارنه بين أهلك و أهل زوجك بكل شئ ...
كل عائله و كل بيت و كل أسره لهم طبيعه و تربيه و عادات و أفكار ما تجبرينهم على شئ هم مو متعودين عليه او مو من ضمن تربيتهم و حياتهم اليوميه العطاء و الهديه و التقدير و غيره .. لو معهم أموال الدنيا مالك حق تحاسبينهم ...

ثالثاً : لا تدققين ثم لا تدققين ثم لا تدققين لأنك بتتعبين انتبهي .. زوريهم وامشي و طنشي ..

انا و اختي كلنا من نفس الام و الاب و البيت و نفس التربيه و نمنا بنفس الغرفه ، لكن كل وحده مننا لها تفكير ..

هي ماشاء الله من عيد ل عيد تجيب هدايا لعيالي و توزيعات او ملابس تشتري لهم من بجامات

انا و اقولها صدق ماعمري جبت بسكوت لعيالها ، مو بخل لا والله بس ماتهمني الامور هذه ولا عمرها جت ببالي . ممكن تقولين مو من عاداتي العطاء بس اختي ماشاء الله تحب تعطي و صارت أطيب مني ...

غريبة
يعني شلون ما عمرك رديتي لها الهدية بهدية ثانية ؟
كان من هدي النبي صلى الله عليه وسلم
انه يثيب على الهدايا

عن عائشة رضي الله عنها قالت: "كان رسول الله صلى الله عليه وسلم يقبل الهديةَ ويُثيب عليها"؛ رواه البخاري.


ويثيب عليها؛ أي: ويعوض الذي أهداه بدلها ويكافئه عنها، فالمراد بالثواب أي يُكافِئُ مَن أعطاهُ بهَديَّةٍ مِثلَها أو خَيرًا منها؛ مِن بابِ ردِّ الحُسْنى بأحسَنَ منها أو مِثلِها