لو سمحتوا دخلوا ضروري وجاوبوني الله يجزيكم الخير

السلام عليكم
يا أمهات بدي احكيلكم شو صار معي اللي بتعرف شي تطمني رجاء
رحت لعند الدكتورة اول مرة وقالتلي كيس الحمل فاضي وقالتلي المفروض يكون عمر الجنين شهر ونص وقالتلي رجعي لعندي مرة تانية بعد اسبوع عشان نتاكد ورجعت لعندها مرة ثانية وصورتلي سونار وقالتلي لسا كيس الحمل فاضي وطبعا انا كان عم ينزل مني دم مع مغص بالبطن وكتبتلي على دواء التهاب مشان ما يصير معي التصاقات وقالتلي اشرب مشروبات ساخنة واجهد حالي لحتى ينزل لحالو وما احتاج كورتاج وطبعا انا ما خليت شي ما ساويتو شربت كلشي ونطيت وعزلت البيت واجهدت حالي حتى ولله صرت اضرب على بطني لعلو ينزل
بس ما نزل شي وبالعكس وقف نزول الدم وراح المغص وما بقا في،شي ابدا
وكتبت للدكتورة انو هيك صار معي وقالتلي فاجئتيني ..توقعت انو يكون نزل الكيس ولازم تروحي عالمشفى مشان ما يصير التهابات والتصاقات
ولله خوفتني كتير بحكيها
وانا كنت عم قول لعل ان شاء الله صار فيه جنين مشان هيك وقف نزول الدم
حدا صاير معو هيك شي او بيعرف حدا صاير معو هالحالة وطلع فيه جنين
قلولي شو لازم اعمل وليش وقف نزول الدم وهلئ جوزي مسافر وانا بغربة ما بقدر روح عالمشفى لحالي
طمنوني الله يطمن قلبكم
هل حالتي خطيرة وبالذات اذا تاخرت بالروحة عالمشفى ...؟؟؟

4 تعليق 459 مشاهدة

شاركي في النقاش

سجلي الدخول لإضافة تعليق.

التعليقات

4
  1. @ffff_3

    السلام عليكم ورحمة الله وبركاته
    ياقلبي الي اشوفه روحي احسن وعلى استشاري
    وفالك العافيه ياقلبي
  2. @jenaadel

    كنت حامل ع حسابي ٧ اسابيع رحت للدكتورة كالت ٥ أسابيع وكيس فارغ بدون جنين عطتتي اسبرين وكالت ١٠ ايام وتعالى رحت ثاني يوم لغير دكتورة عملت سونر داخلي كالت ٧ اسابيع وتوام بس للاسف بدون نبض وراها صارلي نزف دخلت مستشفى عملت كورتاج وره ٩ أشهر حملت وجتني بنوته الحمد لله ضروري تراجعين التأخير مو بصالحك الله يكتبلج الخير حبيبتي
  3. @masa_8

    صاحبة الموضوع
    Jenaadel
    كنت حامل ع حسابي ٧ اسابيع رحت للدكتورة كالت ٥ أسابيع وكيس فارغ بدون جنين عطتتي اسبرين وكالت ١٠ ايام وتعالى رحت ثاني يوم لغير دكتورة عملت سونر داخلي كالت ٧ اسابيع وتوام بس للاسف بدون نبض وراها صارلي نزف دخلت مستشفى عملت كورتاج وره ٩ أشهر حم…
    ماشاءالله الله يحفظلك بنوتك
    ويعوضني خير اذا ما كان فيه جنين
    ولله خايفة كتير بس موكلة امري لله

تابعي تجارب أخرى من هذا القسم.