لاتكونين سنعه كوني رفلا تربحين .عنود فهد🚫

السلام عليكم ورحمة الله وبركاته


فلانه سنعه لأنها تطبخ وتمد سفر
وقايمه بزوجها وعيالها وأهل زوجها
وضيوف زوجها وضيوف أهل زوجها.

فلانه سنعه لأنها مهي راعية طلعات
ولا طلبات ولا أسواق ولا تفتح فمها
بكلمه.

فلانه سنعه ماقد شفناها إلا وهي
مشمره عن يدينها وتكرف!

فلانه سنعه لأنها ماترد على إهانات
أهل الزوج ولا على قلة أدبهم!

تجي للسنعه تلقا يدينها ناشفه
اظافيرها متكسره وجهها شاحب
شعرها باهت ملابسها ملابس راهبات
حياتها كلها دون ألوان لا ألوان في
اللبس ولا في الوجه ولا حتى في غرفتها

عشان إيش؟؟ عشان يقولون عنها سنعه

ثم تكمل سناعتها لما يتزوج زوجها وحده
رفلا ملونه مدلعه مبهرجه ويطير فيها
ويلعب على ذيك السنعه ويقولها انت الأولى وانت الغاليه عشان تستمر في
سناعتها أو بالأصح في عبوديتها.

لاتكوني سنعه خليك رفلااا وتنبسطين.

الرفلا يعتبرها زوجها غشيمه مسكينه
ماتعرف شي نعومه.

والسنعه يعاملها زوجها كأنها ثور في مزرعه
لارحمه ولا شفقه.